Danaveldi here we come

2010-01-14T22:11:00.003Z

Hæ hæ allir saman,
Ætli allir séu ekki löngu hættir að kíkja hér inn, samt sem áður finnst mér gaman að setja hér inn fréttir. Seinna meir þegar ég er orðin gömul og grá þá mun ég örugglega skoða færslurnar mínar og minnast góðu gömlu daganna.

Ástæðan fyrir því hversu sjaldan ég skrifa hér inn er tvenns konar, tímaleysi og fréttaleysi. Við lifum bara ósköp venjulegu lífi og þegar eitthvað er að frétta þá hringjum við í þá sem eru okkur næst og segjum frá.

Á morgun hinsvegar er stór dagur hjá þesari litlu fjölskyldu þar sem að Halli er að fara að verja lokaverkefnið sitt fyrir framan kennara og Sensora. Ég vona og VEIT að allt á eftir að ganga vel hjá honum. Ef vel heppnast þá er hann orðinn Tæknifræðingur. Á svona mómentum þá hugsa ég til baka þegar við fluttum til Danmerkur fyrir tæpum fjórum árum. Við kunnum ekki stakt orð í dönsku og skildum ekki stakt orð í dönsku. Halli ákvað nú samt sem áður að skella sér í Háskólanám og ég man svo sérstaklega eftir fyrstu önninni hans. Hann kom heim úr skólanum og ég spurði svo oft,, hvað lærðiru í skólanum í dag" og hann sagði ,,veistu ég hef bara ekki hugmynd um það" Hann skildi sem sagt ekkert hvað gekk á í tímum en alltaf mætti hann. Þegar hann tók sín fyrstu munnlegu próf þá var aðal áhyggjuefnið að hann myndi ekki skilja spurningarnar frá kennurunum eða að hann gæti ekki komið svarinu frá sér á ensk/dönsku :O) Hann hefur, samt sem áður í gegnum allt Háskólanámið, fengið glæsilegar einkunnir.
Á morgun verður sem sagt hans síðasta próf og ég hef fulla trú að hann á eftir að standa sig eins og hetja eins og hann hefur ávallt gert :O)

Kveðja til ykkar allra
Svansa

Sól og sæla í Danaveldi

2009-05-24T18:52:00.005Z

Hejsa,
Það er allt gott að frétta af okkur. Við erum búin að vera í fjögurra daga fríi, algjör lúxus. Við erum búin að vera svo heppin með veður að við höfum varla farið inn fyrir hússins dyr. Fríið fór í allskonar stúss fyrir heimilið, reyta arfa, slá, þvo glugga, kaupa og setja upp þvottasnúrur, bera á gras og tré og hér fyrir ofan má sjá afraksturinn. Flottur og fínn garður. Reyndar skemmtum við okkur líka í fríinu og fórum m.a í dýragarðinn með nesti og eyddum hálfum degi þar. Fórum í göngutúr í skóginum í Fraugde, elduðum góðan mat og spiluðum með Írisi og Bjössa Partý og co og drukkum ponsu rautt með.

Á mánudag byrjar alvara lífsins aftur, próflestur og verkefnavinna. Aðeins ein og hálf vika í fyrsta prófið mitt, ó mæ god :O) Alltaf svo stressandi þessi munnlegu próf. Ég klára 11 júní og er þá komin í langt og gott sumarfrí :O)

Ég reyndi að setja inn myndbönd af stelpunum en það gekk ekki þannig að ég setti inn nokkrar myndir í staðinn

Þar til síðar

Svansa pansa

2009-04-01T19:18:00.008Z

Jæja

Nú er kominn tími á ponsu blogg eins og ég lofaði. Af okkur er allt ljómandi að frétta. Það er brjálað að gera hjá mér í skólanum, ég hef verið að læra 10 til 12 tíma á dag allllt of lengi. Ég hef nú passað mig að læra ekki milli fjögur og sjö þegar stelpurnar eru heima og bara á kvöldin um helgar. Samt sem áður kemst ég ekki yfir helminginn af námsefninu sem okkur er sett fyrir. Ég vona bara að prófin fari vel, ef ekki þá veit ég að ég gerði mitt allra besta :O)En vitið þið hvað....mér finnst alltaf gaman að mæta í skólann og á kvöldin þá sest ég glöð fyrir framan tölvuna og byrja að læra. Þannig að ég hlýt að vera á réttri braut :O)

Halli er ánægður í vinnunni sinni og fær allskonar alvöru byggingatæknifræði verkefni. Hann situr frá 8 til 4 og reiknar burðarþolsreikninga og það er það sem hann hefur áhuga á. Hann fær nudd einu sinni í viku í vinnunni sinni og svo talar hann mikið um allan matinn sem hann fær. Svo á föstudögum er gengið á milli borða með bjórkörfu og ef einhver á afmæli þá fá allir brennivínsskot :O)

Rakel Köru er farið að leiðast á leikskólanum enda er hún meira en tilbúin að byrja í skóla. Hún stækkar og stækkar og enn og aftur eru allar buxur orðnar of litlar :O) Á morgun fer hún með skólahópnum í H.C Andersen hus að horfa á leikritið Ljóta andarungann. Hún gat varla sofnað í kvöld af spenningi. Henni finnst svo gaman að fara i leikhús og hún talaði lengi um Skilboðaskjóðuna sem hún fór á með Rannveigu ömmu sinni.

Ísabella er alltaf að læra að tala meira og meira. Það er svo gaman að spjalla við hana :O) Í dag þá spurði ég hana hvort hún vildi ekki ganga frá bókinni sem hún var að lesa en sú stutta svaraði bara " ég svo illt í fótunum, ég getur ekki". Sú stutta er sem sagt farin að svara fyrir sig.

Ég hef ekki verið dugleg að taka myndir en hér eru nokkrar frá Festelavn eða Öskudegi eins og dagurinn kallast á íslandi. Rakel var öskubuska og Ísabella var ballett dansmær :O)Í horninu er lítill djöfsi....besti vinur Rakelar Köru, hann heitir Rúnar Ingi.

Kötturinn var sleginn úr tunninni í götunni okkar....það var svoldið kalt eins og sést á þessari mynd.

Þarna sést í hópinn og líka í Rakel og Ísabellu

ponsu update

2009-03-31T19:55:00.003Z

Váá hvað það er langt síðan ég hef skrifað hér :O) Ég lofa að bæta úr því fljótlega....við höfum bara haft svo mikið að gera síðustu vikur:O) Ég hef varla litið upp úr bókunum síðan ég byrjaði aftur í skólanum í febrúar. Annars er bara allt fráábært að frétta og allt í lukkunar standi. Heyri í ykkur seinna ,
knús Svansa

Prófin búin og nú byrjar næsta önn :O)

2009-01-16T19:47:00.004Z

Hæ hæ fólkið mitt, langt síðan síðast:O)

Mikið er gaman að skrifa hér og láta alla vita að ég hef formlega lokið fyrstu önninni í Global Management and Manufacturing. Þetta var löng og ströng próftörn og eins og vanalega, þá gekk allt á afturfótunum hjá okkur þegar við mátttum ekki við því. Ég og Halli vorum bæði að lesa eins og brjálæðingar þegar bíllinn okkar hrundi bókstaflega niður, rafmagnið í hálfu húsinu datt algjörlega út, Ísabella lasin og ég lasin. Ég veit ekki hvernig við hefðum farið að ef góðir vinir hefðu ekki komið okkur til hjálpar :O)Takk fyrir okkur Íris og Björn.

Anyways, ég kláraði formlega í gær og í tilefni dagsins ákváðum við Halli að skála í kampavíni til að fagna þessum merka áfanga og líka því að Halli gekk út úr sínu prófi , sama dag, með 10 í einkunn. Við vorum nú ekki falleg að sjá, ég með 38 stiga hita og flensan að skella á Halla greyinu líka, húsið á hvolfi, bækur út um allt :O) En það skipti engu máli, við vorum svo stollt af okkur fyrir að halda þetta út og ná prófunum með svona frábærum einkunnum.

Nóttina fyrir síðasta og stærsta prófið mitt vaknaði ég með 38 stiga hita og ég hélt hreinlega að ég kæmist ekki í prófið. Ég fór nú samt og mitt markmið var bara að standast prófið og ekkert annað. Ég hafði ekki getað lært mikið sökum þess að ég og Ísabella vorum báðar lasnar. Ég gekk út úr prófinu með 12 í einkunn sem er hæsta einkuninn í danska skalanum eða eins og 10 í þeim íslenska. Kennarinn minn og sensorinn sögðu að frammistaða mín hefði skarað frammúr öllum hinum og að þau væru ekki ekki í neinum vandræðum með að gefa mér 12 í einkunn :O)Já þetta get ég :O) Ég enda s.s fyrstu önnina mína með 10 í meðaleinkunn á danska skalanum eða 9 á þeim íslenska.

Í kvöld lagðist svo síðasti fjölskyldumeðlimurinn í bólið með flensuna s.s Rakel. Svoldið fyndið að segja frá því að hún vissi ekki einu sinni af því að hún væri veik. Hún var bara að leika sér, þegar mér fannst hún eitthvað glaseygð og ég ákvað að eyrnamæla hana. Þá var greyið komin með 38,7 stiga hita og hún sagði bara HAAAAAAAA, er ég orðin veik,má ég þá ekki fara út að hjóla á morgun? :O)

Við biðjum að heilsa öllum á Íslandi.
Mamma, pabbi, Rannveig og Hallgrímur þúsund þakkir fyrir okkur þessar tvær vikur sem við vorum á Íslandi. Nú er það ekki bara ein stelpa, heldur tvær sem tala um ykkur daglega :O)
Þar til næst
Svansa og familía

2008-11-20T19:43:00.005Z

Hæ hæ
Litla snúllan, Ísabella er búin að vera með yfir 40 stiga hita núna í 3 sólarhringa. Við höfum bara haldið hitanum niðri með stílum á fjögurra tíma fresti. Vonandi verður hún betri á morgun. Burtséð frá þessu þá er allt fínt að frétta. Það fæddust tvö íslensk Fraugdebörn á síðustu dögum, strákur og stelpa :O) Eitt þeirra býr við hliðina á okkur. Skólinn hjá mér gengur stórvel, er búin að taka tvö próf og hef verið með þeim hæstu í bekknum í bæði skiptin. Projectið gengur líka rosa vel, erum á síðustu metrunum og verðum búin með það langt fyrir skil. Síðustu vikur hafa verið þvílíkt annasamar og ég og Halli erum orðin svoldið þreytt á þessu annríki okkar. Þrátt fyrir það hefur þetta allt saman verið mjög skemmtileg :O) Okkur vantar bara að komast í ponsu frí til að safna kröftum. Halli er í eldhúsinu að baka bollur fyrir leikskólann. Eftir að leikskólinn brann þurfa foreldrar að baka bollur fyrir börnin. Við áttum að baka í síðustu viku fyrir Rakel og gleymdum því auðvitað. Uppgötvuðum það kl 6 á föstudagsmorgni og byrjuðum í flýti að baka :O) Þetta tókst nú allt saman fyrir kl 8 og leikskólinn var hæstánægður með nýbökuðu og heitu bollurnar okkar :O) og nú er víst aftur komið að okkur að baka, fyrir Ísabellu :O) Rakel Kara er búin að missa tvær tennur og sú þriðja er orðin laus :O) Þvílíkt krútt hefur aldrei sést :O)
Ísabellu byrjaði að telja upp á 10 á íslensku í byrjun sumars og nú kann hún líka að telja upp á 10 á dönsku. Hún kann reyndar líka á alla litina og svo kann hún líka 100,200 og alveg upp í 100. Æ, hún er algjör páfagaukur og apar upp allt sem maður segir. Við Halli erum oft mjög undrandi yfir orðaforðanum sem barnið hefur :O) Í dag sá hún að systir sín var sokkalaus og ætlaði að bjarga málunum. Fór í skápinn sinn og náði í sokka og hljóp á eftir systur sinni og æpti Lakel Kaða í sokkana (Rakel Kara í sokkana)......æ greyið er ekki orðin tveggja ára og er strax farin að segja stóru systur sinni fyrir verkum :O)Sokkarnir voru náttúrulega allt of litlir og Rakel tók ekki í mál að fara í allt of litla sokka. En sú litla, tók ekki annað í mál og elti hana út um allt :O) Ísabella var líka fyrir stuttu að lesa bók sem amma Rannveig gaf henni þegar hún kom til okkar síðast. Allt í einu, upp úr þurru, kallar hún, amma, hvar ertu amma mín , hvar ertu amma:O) Svo fór hún inn í gestaherbergi að leita að ömmu sinni :O) Hún mundi greinilega hver gaf henni bókina :O) Sumir foreldrar skrifa allt í bók um börnin sín en ég hef ákveðið að skrifa þetta allt hér. Svo prenta ég þetta út og sýni þeim þegar þær verða eldri.
Anyways......mikið að gera á næstu dögum og vikum. Ég fer í tvö ekta dönsk jólahlaðborð, eitt með bekknum mínum og eitt með nágrönnunum. Ég hlakka þvílíkt til, enda er það loks núna sem við Halli erum að komast inn í danska samfélagið. Það nennir nebblilega enginn að tala við ótalandi manneskju :O) og svo er bara að jólast og skólast og hafa gaman af :O)
Þar til síðar gott fólk.
Knús á múttu og pápa og systkyni mín, hlakka til að sjá ykkur um jólin.
Verið svo dugleg að kommenta,,,,,,,,,,ég blogga ekki aftur fyrr en fjórir eru búnir að kommenta :O) og hana nú :O)

kominn tími á ponsu blogg,,,,er það ekki

2008-10-18T20:56:00.011Z

Mikið rosalega er skrítið að búa erlendis á svona tímum, að horfa á ástandið heima fyrir úr fjarlægð. Hér sitjum við kvöld eftir kvöld og horfum á íslenskar fréttir og kastljós til að reyna að ímynda okkur hvernig ástandið er heima á Íslandinu góða. Af okkur er allt gott að frétta, höfum ekki fundið fyrir kreppuni ennþá enda millifærðum við, einhverja hluta vegna, tvöfallt um síðustu mánaðarmót. Við eigum því nóg út nóvembermánuð en við þekkjum marga hér sem eru í vandræðum peningalega séð. Það er víst ekki nóg að eiga peninga á Íslandi þegar millifærslur á milli landa eru bönnuð í augnablikinu. Við vonum bara að þetta ástand lagist nú fljótlega.

Við höfum haft mikið að gera síðustu vikur enda erum við Halli núna bæði á fullu í skólanum. Okkur vantar nokkra klukkutíma í sólarhringinn, svo mikið er víst ;O) En mikið finnst okkur lífið okkar gott og skemmtilegt hér í DK. Við eigum alveg frábæra vini, stelpurnar elska leikskólann sinn og okkur finnst námið okkar skemmtilegt og áhugavert.

Síðustu tvær vikur höfum við gert margt til dundurs. Rannveig kom í heimsókn til okkar og var hjá okkur í viku. Við höfðum ekki séð hana í marga mánuði og öll vorum við spennt að fá hana í heimsókn, sérstaklega Rakel Kara sem taldi niður dagana. Við höfðum það rosa notalegt og spjölluðum mikið og átum góðan mat og drukkum góð vín. Enda erum við miklir sælkerar :O)Okkur fannst öllum erfitt að kveðja hana og Ísabella spurði eftir henni í marga daga á eftir:O) alltaf að spyrja um ömmu sína.

Við höfum verið í haustfríi alla vikuna og haft það notalegt þó svo að við Halli höfum reynt að læra fyrir hádegi. Hér erum við í Tívolíi og það fannst stelpunum æðislegt, sérstaklega Rakel Köru sem fór í flest öll tækin. Ísabella töffari var hinsvegar skíthrædd við að fara í tækin en fannst skemmtilegt að horfa á öll ljósin og sagði bara vááá hátt hátt upp í himininn :O)

Hér erum við að borða hádegismatinn okkar, heimatilbúið nesti namm.

Rakel í risa risa rennibraut

Rakel í tívolírólum

og auðvitað þurfti pabbinn að prufa líka ;O)

Svo þurfti Ísabella aðeins að hvíla sig og svaf eins og steinn í öllum hávaðanum.

Hér erum við að skera út grasker í tilefni Halloween.

og hér er svo afraksturinn

Svo var farið í hrekkjavöku afmælisveislu og Ísabella var klædd sem Solla stirða.

og Rakel var Mjallhvít.....æ þær eru svo sætar að kyssast.

Við biðjum öll voða vel að heilsa. Hugur okkar er auðvitað oft heima á Íslandi, Hollandi og Argentínu, hjá okkar nánustu. Okkur hlakkar mikið til að koma og hitta ykkur öll yfir jólin.

Knús og kossar til ykkar

Kveðja Svansa, Halli. Rakel og Ísabella.

Arg og Garg

2008-09-21T10:15:00.002Z

Þvottavélin er ónýt, Leikskóli stelpnanna brann til kaldra kola á föstudaginn og ég er með flensu. Ég er nú samt alveg glöð í bragði, er að horfa á Ísabellu reyna að klæða sig í náttfötin sjálf, bráðfyndið :O)

Kveðja Svansa bjartsýna

hæ allir saman

2008-09-06T19:17:00.003Z

Hæ allir saman,

Nú eru skólarnir byrjaðir og allt á fullu hjá okkur þessa dagana. Það hefur ekki verið mikill tími til neins hreinlega, úff maður hefur stundum ekki einu sinni tíma til að anda :O) Já, þetta eru mikil viðbrigði fyrir okkur öll, allt í einu er húsið á hvolfi og þvottakarfan stútfull, börnin grútskítug, grasið óslegið og ekkert til í ísskápnum :O) Nú sé ég greinilega hve gott við höfum haft það síðustu tvö ár, mamman heimavinnandi að dekra við fólkið sitt.
Annars er skólinn bara skemmtilegur og allt í góðu standi :O)
Knús og kossar til ykkar, ooooo hvað ég hlakka til að koma heim um jólin :O)
Kveðja Svansa skólamær.

Hiti og molla

2008-08-06T13:54:00.003Z

Síðustu dagar hafa verið notalegir í einu orði sagt. við Halli höfum haft það svoooo gott þó svo að það hafi verið leiðinlegt veður:O) Já það var orðið langt síðan við höfum fengið smá tíma saman, án barna. Við höfum því nýtt tímann vel m.a. í svefn, lestur og dútl hér heima við. Stelpurnar una sér vel í leikskólanum og fannst ekkert erfitt að byrja eftir fjögurra vikna frí. Ég held að þeim hafi þótt gott að komast aftur í sína vanalegu rútínu :O) Ísabella hljóp allavegana skælbrosandi framhjá okkur í dag þegar við sóttum hana og sagði Bella laupa (þýðing: Ísabella hlaupa) og var ekkert tilbúin að fara heim til sín.

Ég komst inn í tæknifræðina í haust og byrja því í Global Management and Manufacturing 26. ágúst. Það er ekki laust við að það séu nokkur lítil fiðrildi í maganum á mér enda langt síðan ég var í skóla. Að eiga tvö börn og mann gerir skólagönguna ekki auðveldari :O) stundum finnst mér það vera full vinna að hugsa bara um börnin og heimilið. Það fyrsta sem ég verð að gera er að setja skítastuðulinn niður á lægsta plan (Hallaplan híhí) og reyna að forgangsraða hlutunum rétt.

Helga Kristín og Daði eru væntanleg í heimsókn á föstudag og ætla að eyða helginni hér hjá okkur. Þau ætla að keyra rúmlega 700 km frá Amsterdam til þess að hitta okkur, það er bara gaman :O) Við hljótum að finna eitthvað skemmtilegt til að bralla þó svo að það sé rigningarspá alla helgina. Við hittumst síðast í janúar, allt of langt síðan.

Það lýtur út fyrir að við skellum okkur til Íslands yfir jól og nýár, náum heilum tveim vikum heima á Íslandi :O). Við erum ekki búin að panta ennþá en það stefnir allt í að það verði gert á næstu dögum.

Annars er bara allt gott að frétta af okkur. Úti er þvílík molla og hiti. Loftið hreyfist ekki og það er mikill raki . Á slíkum dögum er maður bara latur og nennir engu. Renndum reyndar í BIVA og keyptum okkur hillu, rosa fína á útsölu. Settum hana saman í svitabaði og hún kemur alveg svakalega vel út í nýja húsinu okkar. Næst á dagskrá er að undirbúa komu Helgu Kristínar og Daða. Maður verður nú að gefa þeim eitthvað gott að borða og svona. Á laugardagskveldið verður svo svaka partý hér í götunni minni. Allir íbúarnir ætla að hittast á miðjugrasinu og grilla saman og hafa það huggulegt. Við eigum svaka hressa nágranna bæði íslenska og danska og ef ég þekki þá rétt verður svaka stuð fram á rauða nótt :O)
Jæja segjum þetta gott í bili, þarf að fara að leggja á borð fyrir kræsingarnar hans Halla. Í kvöld fáum við Marengo kjúkling og meððí :O)
Bið að heilsa í bili
Svansa

Þvílíkt veður

2008-07-23T18:55:00.003Z

Hér sit ég úti í alveg frábæru veðri :O) Klukkan er 21:00 og ég sit úti á hlýrabolnum með hvítvínsglas í hendi og hygger mig. Svona kvöld eru alltaf svo notaleg, börnin komin í rúmið eftir að hafa verið úti allan daginn og við hjónaleysin bara að dúlla okkur. Veðurspáin næstu vikuna er geggjuð, sól og blíða og 27 gráður.
Rakel er búin að vera að leika sér við danska vinkonu sína í allan dag. Þær byrjuðu heima hjá okkur og léku sér úti í ALLAN dag. Dunduðu sér við að veiða fiðrildi, settu þau svo í box og gáfu þeim að éta. Seinnipartinn fóru þær síðan heim til Silju (danska vinkonan) og voru þar til klukkan átta, takk fyrir. Foreldrar Silju eru svo hrifin af Rakel ( hmmm enda vel upp alin stúlka) að þau áttu ekki til orð. Svona kurteisa stúlku höfðu þau aldrei séð. Hún var eina barnið ( fullt af börnum á staðnum )sem sat við matarborðið og borðaði allan matinn, stóð svo upp og sagði pent ,,takk fyrir matinn, hann var rosalega góður".
Næstu dagar fara bara í notarlegheit, ætlum ekki inn fyrir hússins dyr nema nauðsyn sé:O) Á mánudaginn byrja stelpurnar aftur í leikskólanum og þá er ég komin í frí. Halli ætlar að vera svo duglegur að hjóla í vinnuna í heila viku. Við erum að tala um heila 20 km aðra leið. Hann hjólar því 40 km á dag í heila viku. Eftir rúmlega viku þá klárar hann vinnuna sína og er þá líka kominn í frí :O) Já þá taka lúxusheitin við hjá okkur, stelpurnar á leikskólanum og við verðum tvö ein heima á meðan :O) Ætlum að taka húsið í gegn, enda ekki mikið búið að gerast síðustu vikurnar en á góðviðrisdögum ætlum við bara að tjilla í sólinni. Kanski förum við niðrí bæ, röltum um og fáum okkur hádegisverð í kósí göngugötunum hér í Odense eða förum á herragarðinn í Egeskov og eigum dag þar. Já svo eru líka svo skemmtilegar strendur hér í nágrenninu , já og gönguleiðir og líka skemmtilegt fólk til að heimsækja.
Við biðjum að heilsa og hvetjum ykkur að hafa það kósí og notalegt.
PS ég er enn að bíða eftir smartbúnaðnum fræga, ekki enn kominn í hús :O(
Rembingsknús til ykkar,
Kveðja Svansa

Sumarfrí og vinna

2008-07-16T19:27:00.004Z

stelpurnar á trampólíni hjá nágrönnum okkar.

Á leiðinni í hjólatúr.

Þessi mynd var tekin einhverntímann í vor.

Sælt veri fólkið.

Allt gott að frétta af okkur eins og vanalega. Halli var að fá vinnuna sem hann var búinn að sækja um. Hann ætlar að vinna í skipasmíðastöð næstu 2 1/2 vikunar og fær vel borgað fyrir það. Við stelpurnar verðum því einar í sumarfríi í tæplega tvær vikur en í staðinn verðum við Halli saman í fríi í ágúst.
Okkur líður rosa vel í nýja húsinu okkar og erum að klára að koma okkur fyrir. Það eru komnar gardínur í alla glugga og búið að taka upp úr flest öllum kössunum. Erum reyndar ekkert að stressa okkur á þessu, klárum bara að taka upp úr kössunum þegar stelpurnar byrja aftur á leikskólanum. Ætlum bara að njóta þess að vera í fríi saman :O)
Stelpurnar eru alltaf sætar og góðar. Ísabella telur upp á tíu og syngur hástöfum mörg lög og Rakel er að læra á hjólaskauta.
Váá greinilega ekki mikið að frétta hjá okkur híhí :O)
Verið nú dugleg að kvitta og góða nótt
Kveðja Svansa

Ég er svo smart :O)

2008-07-14T16:13:00.002Z

Jæja gott fólk ég var að panta mér SMARTBÚNAÐINN fræga þannig að í enda vikunnar verðum við komin með íslenskt símanúmer. Allir vinir okkar og vandamenn geta því náð í okkur í íslensku símanúmeri og losna við himinnháan símareikning. Ég held að ég hafi glatt marga í dag og þá sérstaklega hana múttu mína með þessu framtaki mínu.
Annars bara allt gott að frétta, erum bara í fríi að dúlla okkur.
Kveðja, Svansa

Tómlegt í kotinu

2008-07-09T10:36:00.002Z

Það er mjög tómlegt í kotinu í dag, mamma, pabbi og Jóhanna María litla systir flugu til Íslands seint í gærkveldi. Það var gaman að hafa þau og við söknum þeirra strax. Rakel tók sér langan tíma í grátur í gærkveldi og sagðist örugglega aldrei geta hætt að gráta því hún saknaði þeirra svo mikið og hún myndi gráta þangað til hún væri orðin gömul og dæi. Þvílíkt drama :O) Hún vaknaði svo í morgun hress og kát og er búin að vera úti að leika í allan dag, hefur reyndar minnst nokkrum sinnum á ömmu, afa og Jóhönnu en hún er búin að jafna sig að mestu :O)
Næstu dagar hjá okkur Halla fara í að gera húsið fínt og flott og reyndar þarf líka að gera helling í garðinum. Þurfum að kaupa og setja upp gardínur og skjólveggi, sortera og henda úr skúrnum og fullt fleira. Ætlum bara að dunda okkur við þetta í rólegheitunum þar sem að stelpurnar eru í fríi í leikskólanum næstu vikurnar. Ég er orðin svoldið spennt að vita hvort ég kemst inn í skólann en það kemur allt í ljós 28 júlí, verð væntanlega boðuð í viðtal á næstunni :O)
Jæja ekkert fleira að frétta í bili.
Knús og kossar til ykkar sem lesa þetta
Svansa

2008-05-06T19:00:00.008Z

Stundum verður maður bara að monta sig :O) Síðustu dagar hafa verið hreint út sagt æðislegir, sól, blíða og 20 gráður. Ég get bara ekki vanist því að búa í landi með svona veðráttu, alltaf verð ég jafn hissa þegar ég vakna á morgnanna og uppgötva að það er hægt að fara út án þess að kappklæða sig. Í tilefni blíðunnar ætla ég að deila með ykkur nokkrum myndum frá hjólatúrnum okkar í dag.

Rakel vill hjóla sjálf þegar við förum í hjólatúr.

Vorlitirnir eru flottir, hér erum við að hjóla meðfram ökrum.

Ákváðum að stoppa og viðra okkur á leikvelli í nágrenninu.

Áður en við vissum af var Ísabella búin að klifra sjálf upp. Halli bjargvættur passar að hún fari sér ekki að voða :O)

Aldrei vill neinn hjálpa mér bööööööö. Ísabella eitthvað að tjá sig á leikvellinum.

Jámms gráturinn virkar alltaf :O)

Já kæru hálsar, veðurblíðan á að halda áfram hér í Danaveldi. Spáin segir 20 gráður alla næstu viku og sól. Ef einhver vill koma í heimsókn og sóla sig þá er hann velkominn :O)

Að lokum koma nokkrar myndir af nýja húsinu okkar, fyrir hana mömmu

mína :O)

Hér er inngangurinn að húsinu og skúrinn. Eins og sést vantar allt gras eins og er, aðeins mold og drulla.

Inngangurinn og hér sést smá í þvottahús, sem er reyndar líka baðherbergi með sturtu

Þvottahúsið.

Eldhús og borðkrókur.

Stofan og dyr út í garð.

Eldhús og borðkrókur.

Aðal baðherbergið.

Útsýnið frá garðinum okkar. Tja það sést í gamla húsið mitt :O)

Svona lítur hverfið út, flutningur eftir tæplega mánuð. Vonandi verða þeir búnir að sá grasfræum og gera svoldið kósí fyrir okkur mmmmm.

Njótið nú veðurblíðunnar,

þar til næst

Sólskins og sumarkveðja frá Svönsu, Halla og co.

Sumar og sólardagur að kveldi kominn.

2008-04-27T18:41:00.007Z

Góða kvöldið kæru vinir og fjölskylda.

Sumarið er komið hér Danaveldi, og fyrsti strandardagur ársins að kveldi kominn. Við eyddum hluta úr degi á Kertemindeströndinni góðu, grilluðum pylsur og spjölluðum á meðan stelpurnar léku sér í sjónum og í sandinum. Þetta var fyrsti dagurinn í sumar þar sem hitastigið var nálægt eða yfir 20 gráður. Morgundagurinn á sem betur fer að vera svipaður :O)

Halli og Sveinn að grilla dýrindis pylsur.

Rakel Kara

Rakel að grafa Ester

Um kvöldið voru svo grilluð svínarif og kartöflur.

og auðvitað léku krakkarnir sér úti í góða veðrinu langt fram á kvöld.

og Ísabella fær stundum að leika með.

og ein Ísabellu mynd í lokin sem var tekin fyrir nokkrum dögum..:O)

Af okkur er allt gott að frétta. Okkur finnst frábært að sumarið sé komið. Við höfum varla farið inn fyrir hússins dyr í nokkrar vikur :O) Höfum verið dugleg að fara í hjólatúra og lautarferðir í góða veðrinu.

Hér í Danmörku eru ófaglærðir leikskólastarfsmenn í verkfalli og þess vegna hefur Rakel verið heima í rúmlega viku. Ísabella hefur sem betur fer mátt fara á vöggustofuna :O) Það hefur verið svoldið erfitt að læra þessa daga sem Rakel hefur verið heima og það styttist óðum í prófin. Við vonum samt að þetta verkfall fari nú að leysast.

Við erum farin að hlakka til að komast í stærra húsnæði. Ef við göngum út í garð og lítum til hægri þá sjáum við nýja húsið okkar. Það hefur verið í byggingu síðustu mánuði og stendur nú alveg tilbúið, allt nema garðurinn. Í enda maí fáum við svo lyklana af höllinni okkar og þá ætlum við að drífa okkur í að flytja dótið yfir.

Það styttist óðum í sumarfríið okkar sem við ætlum að eyða í Þýskalandi að þessu sinni. Ætlum að dvelja í sumarhúsi við Schönhagen Strand sem er víst algjör paradís á jörð. Sumarbústaðurinn liggur við gullna strönd sem er um 15 km löng mikið um að vera í kring, skemmtilegir strandbæir og falleg náttúra :O)

Ég klára prófin mín 15 maí og svo ætla ég að vera í fríi í allt sumar:O) þvílíkur lúxus.

knús og kossar frá sólbrennda liðinu í Óðinsvéum

2008-04-13T10:48:00.012Z

Ég fæ alltaf ritstíflu þegar ég ætla að skrifa hér inn þannig að hér eru nokkrar myndir af því sem við höfum verið að gera síðan síðast. Er ekki alltaf sagt að myndir segja meira en orð ? Góða skemmtun :O)
Þann 12 mars átti Rakel Kara afmæli og nokkrum dögum áður hélt hún upp á afmælið sitt með glæsilegri og fjölmennri veislu. Hér er verið að syngja afmælislagið fyrir dömuna í veislunni.

Við fjölskyldan erum reglulegir gestir í dýragarðinum í Odense. Þar er alltaf jafn gaman að eyða deginum, með nesti, skoða dýrin og leika á leiksvæðinu. Ísabella er ekki hrædd við geiturnar og eltir þær út um allt á meðan Rakel Kara þorir ekki inn nema að á henni sé haldið :O)

Fín og sæt í prjónuðu íslensku vesti, vantar reyndar brosið á báðar myndirnar.

Systurnar að horfa á ferða DVD

Við fengum gest frá Íslandi um Páskana og það var hún Rannveig (Föðuramma).

Æ taktu mynd af mér....ég á 500 svipaðar myndir af þessari skvísu :O)

Er að hugsa um að fara með þessa fjölskyldu til atvinnuljósmyndara. Ég næ aldrei flottri mynd af þeim saman :O(

Annars er allt gott að frétta af okkur. Vorið er komið í Danmörku og við reynum að vera úti eins mikið og við getum. Við höfum farið í nokkra hjólatúra, það finnst okkur öllum gaman. Rakel er farin að hjóla án hjálpardekkja og nennir ekki lengur að sitja í vagninum heldur vill hjóla með. Við ætlum að flytja 1 júní í fínasta parhús í næstu götu. Húsið er þónokkuð stærra en það sem við erum í núna, er á einni hæð og er með fjórum svefnherbergjum þvottahúsi og stórum útiskúr eða klúbbhúsi eins og Halli kallar það :O) Við segjum því bráðlega skilið við litla kotið okkar, þar sem okkur hefur liðið vel síðustu tvö árin.
Jæja segjum þetta gott í bili, ég ætla út í sólina og blíðuna....15 stiga hiti úti :O)

Knús og kram

Svansa og CO

Smá sýnishorn af sætum stelpum.

2008-02-24T18:23:00.009Z

Sælt veri fólkið,
Hér kemur smá pistill fyrir ömmur og afa því ég veit að þau bíða yfirleitt spennt eftir myndum og fréttum af barnadætrum sínum :O)
Rakel fékk að taka myndir á myndavélina okkar fyrir stuttu. Þegar ég spurði hana af hverju hún ætlaði að taka myndir svaraði sú stutta ,, ég tek aðeins myndir af þeim sem ég elska'' Hér eru s.s þær myndir :O)

Afhverju myndumst við ekki jafn vel og börnin okkar? Jú
þær eru sætari en við :O)

Ísabella er grallari af lífi og sál og er alltaf að gera eitthvað af sér. Halli sagði fyrir stuttu að hann hefði ekki lengur þörf fyrir að horfa á spennumyndir því það væri nóg að horfa á Ísabellu í nokkrar mínútur og þá fengi hann nokkur hjartastopp:O) Jámms, myndin hér fyrir neðan lýsir Ísabellu í hnotskurn. Ég var ekki að fylgjast með í nokkrar sek, leit svo við og þá var hafði hún einhvernveginn náð sér í jógúrtdós og skeið og var byrjuð að borða með tilheyrandi sullugangi

Þær eru yfirleitt alltaf mjög sætar hvor við aðra.

Þegar við erum í bíltúr haldast þær t.d oftast í hendur í bílnum og hér kom ég að þeim horfadi á sjónvarpið haldandi utan um hvor aðra. Mjög sætt :O)

Hér er ein af Ísabellu rétt fyrir Festilavn hér í Danmörku.

Heyri í ykkur seinna. Bless og góða nótt.

Verið endilega dugleg að kommenta og skrifa í gestabókina

Kveðja Svansa og CO

loksins blogg

2008-02-09T17:23:00.001Z

Vorum að renna í hlað eftir frábæran útivistadag. Veðrið er búið að vera svo frábært, bjart og lygnt og við nutum þess í botn að eyða deginum í dýragarðinum hér í Odense. Við tókum með okkur nesti á danska vísu, kaffi, safi, brauð og kökur. Uppáhaldið okkar allra er að hitta ljónaungana okkar sem við höfum fylgst með frá fæðingu og auðvitað að sitja og borða gott nesti á meðan stelpurnar leika sér á leiksvæðinu.
Hér er allt að komast í fastar skorður. Halli byrjaði á fjórðu önn í tæknifræði í byrjun febrúar og Ísabella og Rakel eru alltaf jafn ánægðar á leikskólanum. Frúin á heimilinu skellti sér í fjarnám í eðlisfræði til að komast inn í tæknifræðina í haust. Allt í glymrandi gleði og hamingju :O)

Jæja, best að fara að leggja á borðið fyrir kvöldmatinn og ná í Rakel, því hún er að leika hjá vinkonu sinni. Halli er að töfra fram einhverjar kræsingar í eldhúsinu. Best að lækka ljósin, kveikja á kertum og fá mér eitt hvítvínsglas :O)
Þar til seinna gott fólk :O)

Svansa og sæta liðið.

Nett framkvæmdarbrjálæði

2008-01-16T18:40:00.000Z

Sælt veri fólkið, langt síðan síðast :O)
Desember fauk áfram eins og lauf í vindi, híhí :O) og enginn tími til að skrifa hér á þessa flottu bloggsíðu.
Við Halli erum í nettu framkvæmdarbrjálæði hér. Haldið þið að dekurrófurnar hafi ekki farið í gær og keypt skenk og glerskáp í stofuna:O) Það tók sex tíma að setja herlegheitin saman og hér er afraksturinn

Næst á dagskrá er að kaupa kommóðu og skóskáp til að setja á ganginn fyrir restina af jólapeningnum sem við fengum frá foreldrum okkar og ömmu. Erum að hugsa um að biðja bara alltaf um peningjagjafir híhí, nei djók ég held að hugsunin á bak við þessa fínu gjöf var að styrkja fátæku námsmennina sína. Allavegana enn og aftur takk fyrir okkur:O) Knús og kossar til ykkar. Svo ég held nú áfram með framkvædarbrjálæðið á þessu heimili þá ætlum við að taka til í útiskúrnum, sortera flöskur og selja, olíubera eldhúsborðið, kaupa tölvu og margt fleira.
Já það er margt að gerast, Ísabella byrjaði á vöggustofu á mánudaginn. Aðlögunin gengur alveg ljómandi vel, ekkert vesen ennþá. Á morgun verður hún í fyrsta skipti í heilan dag þ.e.a.s við sækjum hana eftir blundinn sinn sem hún tekur í hádeginu. Þar með erum við Halli laus og liðug og getum gert allt það sem hefur setið á hakanum síðustu mánuði. Ætlum raunar líka að slappa af og sofa svoldið, ekki veitir af hí hí.
Við vorum öll sammála um að Íslandsferðin okkar var vel heppnuð og skemmtileg. Við stelpurnar dvöldum í þrjár vikur en Halli þurfti til Danmerkur í próf eftir aðeins eina viku. Það var svo gaman að hitta allt fólkið sitt,borða góðan mat, fá jólasnjó, fara í bústaðarferð, sundlaugarferð, borða hamborgarasósu, lambalæri ala mamma og pabbi, kaffihúsaferðir o.s.frv :O) Þar sem Halli flaug heim fyrir áramót fékk hann nægan tíma til að læra undir prófin. Hann stóðst þau með sóma.

Jæja, ritstíflan angrar mig í dag.

Heyrumst seinna

Svansa

Aðventan

2007-12-08T20:19:00.001Z

Já, það er mikið að gera á þessu litla heimili okkar. Nóvember og desember hafa flogið áfram og allt í einu eru bara nokkrir dagar til Jóla. Ákvað rétt í þessu að staldra aðeins við og reyna að slappa aðeins af í aðventunni. Njóta hennar og fá jólaandann yfir mig, enda er þessi tími ársins bestur að mínu mati. Síðustu vikur hafa verið þvílíkt skemmtilegar en mjög svo annasamar, saumaklúbbar, tvær Köbenreisur, jólahlaðborð, jólaskreytingar, eyrnabólga, veikindi, svefnleysi, afmæli, jólaundirbúningur, húsverk, skólaverkefni jííííííhí.
Á morgun ætla ég að byrja aðventuna mína, eins og ég vil hafa hana. Ætla að byrja á því að kíkja með familíuna á jólamarkað H.C. Andersen. Fórum í fyrra og það var alveg þrælskemmtilegt og mjög svo jóló. Svo ætla ég í Bilka og kaupa nokkrar útiseríur í viðbót og smella þeim upp, henda jóladiski í geislaspilarann og fá mér jólaglögg og eplaskífur að hætti Dana mmmm :O)

Bið að heilsa.
Njótið nú aðventunnar, ég mæli með glöggi og eplaskífum :O)
SVansa

Bellan byrjuð að labba

2007-10-30T20:46:00.000Z

Halló,
Af okkur er allt gott að frétta. Það helsta er að Ísabella Katrín er byrjuð að labba rúmlega 10 mánaða gömul. Hún er reyndar svoldið óstöðug en labbar hér út um allt og detturífjórða hverju skrefi, stendur svo bara upp aftur og heldur ótrauð áfram. Ég set inn myndband af dömunni bráðlega þar sem hún sýnir göngulistir sínar :O)
Heyri í ykkur seinna
Bæjó

Jólastuð og Jón Nikulás

2007-10-22T18:27:00.001Z

Ákváðum í gærkvöldi að láta stelpurnar sofa í sama herbergi.Hugsuðum með okkur að það væri þess virði að prufa. Rakel var rosa spennt og fannst þetta ljómandi hugmynd, spurði mig svo hvort hún mætti ekki gefa Ísabellu pela ef hún myndi vakna í nótt :O) Hún vildi líka endilega strjúka henni um vangann og halda í hendina á henni í alla nótt. Ég horfði á hana dreymin á svip og í eitt andartak þá fannst mér eins og að nú væri svefnleysið okkar Halla búið :O) að við værum þarna komin með frábæran hjálparkokk sem gæti bara séð um Ísabellu á nóttunni. Andartakið leið og þá uppgötvaði ég að lífið væri ekki alveg svona einfalt hehe. Málið er að við Halli viljum endilega endurheimta svefnherbergið okkar. Á kvöldin þá læðumst við upp í rúm og vonum að það braki ekki í gólfinu eða að annaðhvort okkar þurfi að hósta, eða að sjúga upp í nefið:O) Ef þetta tekst þá get ég lesið uppi í rúmi eða horft á t.d eina dvd mynd :O) Þvílíkur lúxus.
Jólafílingurin er kominn í heimilismeðlimi og á eftir verður farið upp á loft til að sækja eina hvíta ljósaseríu eða svo. Síðan verður haldið út í búð til að kaupa danskt Malt, eplaskífur og fullt af súkkulaði til að hita okkur í kuldanum.
Við hittum um helgina lítinn nýfæddan prins ,Jón Nikulás. Til hamingju Sigga og Ívar :O)

Endurnærð

2007-10-20T20:39:00.000Z

Nú er haustfríið okkar að klárast ;O( Það var alveg frábært í þessu litla fríi okkar. Við sjáum sko ekki eftir því að hafa farið í þennan frábæra bústað. Veðrið var æðislegt, sól og logn allan tímann og tilvalið útiveður. Bústaðurinn sjálfur stóð alveg undir væntingum og var í miðjum skógi. Haustlitirnir voru svo fallegir í trjánum og stjörnurnar á kvöldin líka. Það besta var að Ísabella svaf allar næturnar nema eina eins og steinn og því erum við Halli svo endurnærð. Baugarnir undir augunum farnir og brosið komið á sinn stað :O) Það er greinilegt að góður svefn gerir kraftaverk:O)
Ákváðum í haustfríinu okkar að taka dagmömmuplássinu sem Ísabellu var boðið. Mér var hugsað til hennar Halldóru á Íslandi sem ákvað að gerast dagmamma og betri dagmömmu er örugglega ekki hægt að fá. Það er ekki endalaust hægt að hugsa um sögusagnir og þessi dagmamma gæti alveg eins verið frábær. Allavegana þá ætlum við að prófa enda er ég farin að þrá að komast aðeins út úr húsi ,fara í leikfimi eða í dönskuskólann aftur. Reyndar er ég byrjuð í fjarnámi í dönsku og líkar bara vel. Komin á stig fjögur af sex. Get alveg viðurkennt það að ég hef ekki lært mikið í dönsku þann tíma sem ég hef verið heima í fæðingarorlofi :O) En nú tek ég dönskuna bara með stæl og verð orðin altalandi fyrir sumarið.
Nú styttist óðum í Kaupmannarhafnarferðina með mömmu, Helgu systur og Jóhönnu Maríu systur. Minna en mánuður í stóra daginn:O) Ég hlakka ekkert smá til enda verð ég í mjög svo skemmtilegum félagsskap :O)
Þar til seinna :O)
Knús og kossar til fjölskyldu okkar
Eins og við höfum sagt áður að þá fáum við ekki Íslandsþrá heldur það sem kallast fjölskylduþrá. Við hlökkum til að sjá ykkur öll, erum að huga að Íslandsför, annaðhvort um jólin eða í janúar. Það fer allt eftir próftöflunni hans Halla ;O)

Heyrumst
Svansa og co

Nýtt Video

2007-10-11T18:28:00.000Z

Hæ hæ.
Ég er bara dugleg að setja inn á þessa fínu bloggsíðu þessa vikuna. Ástæðan er sú að Rakel Kara var rétt í þessu að syngja svo fallega söngva inn á myndband. Blogg dagsins er því tileinkað henni Rakel Köru Hallgrímsdóttur.
Hér syngur hún um daga vikunnar. Njótið vel:O)

Hér er Rakel að syngja um Kalla litla könguló á dönsku.

Hún söng reyndar miklu meira fyrir okkur á video en ég birti það kanski seinna. Hér í lokin er svo ein mynd af Ísabellu Katrínu.

Haustfrí og dagmömmur

2007-10-10T18:14:00.001Z

Þá er haustfríið komið á hreint :O) Við pöntuðum okkur lúxus sumarbústað á Norður Jótlandi í fríinu. Bærinn sem bústaðurinn er við heitir Hals og er 35 km fyrir utan Álaborg. Hals er lítill og sætur strandbær, en við verðum í sumarbústaðarbyggð rétt fyrir utan. Í bústaðnum, sem er 95 fm, er sauna og hornbaðkar, uppþvottavél, þvottavél,róla og sandkassi, allt það sem við þurfum. Hann er líka mjög fallegur fyrir augað. Álaborg á að vera mjög falleg og þar er m.a dýragarður og tívolí. Í keyrslufjarlægð er svo regnskógur undir þaki með tilheyrandi dýralífi þannig að okkur á ekki eftir að leiðast.
Við fórum í dag í heimsókn til dagmömmunnar sem Ísabellu hefur verið boðin. Hún fær ekki inni á vöggustofu í Tornbjerg (leikskólinn hennar Rakelar) fyrr en í byrjun febrúar. Dagmamman á heima bak við raðhúsalengjuna okkar þannig að það er ekki langt að fara ,hún hefur mjög góð meðmæli og hefur unnið á leikskóla í mörg ár. Nú hefur hún ákveðið að gerast dagmamma og ef við tökum plássið þá verður Ísabella fyrsta barnið sem hún fær. Þetta virtist vera gott fólk, hittum manninn hennar og börnin. Þau koma frá Sírlandi og hann er þrælmenntaður og þau búa í roooosalega flottu einbýlishúsi. Þau hafa búið hér í Danmörku í 12 ár og tala góða dönsku. Halla leist mjög vel á þau öll en ég er eitthvað efins. Hef alltaf verið á móti dagmömmuvist enda greiddi ég rúmlega 50.000 kr á mánuði fyrir Rakel Köru á einkareknum leikskóla þegar hún var lítil. Reyndar ef ég myndi þekkja dagmömmuna persónulega væri þetta í fínu lagi. Okkur var sagt á kommúnunni að Ísabella gæti byrjað hjá dagmömmunni og fært sig yfir á vöggustofuna í febrúar.Ég hugsa að ég hafi hana bara heima hjá mér þar til vöggustofu plássið losnar. Ég verð bara í fjarnámi í dönskunni þangað til.

Rakel Kara kom skælbrosandi inn í dag og sagðist hafa séð ömmu Rannveigu hjólandi á götunni. Hún var alveg handviss um að amman væri komin til Danmerkur :O)
Svo fór hún að gráta því hún var alveg viss um að amma Elsa og afi Einar kæmu með okkur í sumarbústaðinn (eins og þau gerðu alltaf á Íslandi). Það er greinilegt að hún saknar þeirra allra mikið og mun ekki gleyma þeim þó svo að stundum sé langt á milli heimsókna. Við eigum samt von á að sjá þau flest öll fyrir jól og svo komum við í langa heimsókn til Íslands í janúar :O)
Ísabella var mjög óvær og lítil í sér í dag. Hún vildi lítið sem ekkert borða og svaf illa í vagninum sínum. Það eru allavegana fjórar tennur á leiðinni og aðrar tvær nýkomnar. Það er mikið lagt á þessi litlu grey.
Verið góð við hvert annað og ykkur sjálf.
Við biðjum að heilsa ykkur öllum.
Verið nú dugleg að kvitta fyrir komuna :O)
Kveðja Svansa og CO

Haustfrí í vændum :O)

2007-10-04T17:18:00.000Z

Hæ hæ, góða fólkið mitt.
Hér í Danmörku er haustið að ganga í garð eftir regnmikið sumar. Laufblöðin eru byrjuð að skipta um lit og detta af trjánum en samt sem áður en grasið ennþá grænt (rosa skáldleg). Síðustu dagar hafa verið alveg frábærir, bjart, logn og hlýtt en það allra besta og skemmtilegasta er haustfríið sem byrjar eftir aðeins tvær vikur :O) Stóra spurningin er: Hvað á þessi litla fjölskylda að gera af sér í viku fríi? MMMMMMMMM.
Leigja sumarbústað í Danmörku, Þýskalandi eða Svíþjóð?
Fara til Íslands?
Vera heima og mygla?
Já þegar stórt er spurt er lítið um svör....erum að kanna alla möguleika nema einn :O) Að vera heima og mygla :O)

Kveðja Svansa CO

Myndbönd og fl

2007-09-26T20:44:00.000Z

Ísbíllinn kemur alltaf á þriðjudögum í hverfið okkar og hér er Rakel að gæða sér á ís.

Ísabella glöð og kát.

Rakel er byrjuð í fimleikum og hér er hún stolt í nýja fimleikabúningnum sínum.

Um daginn fórum við í dýragarðinn og hér er Ísabella að leika sér meðan við hin borðum nestið okkar.

Rakel er farin að stilla sér upp á öllum myndum. Er orðin svoldið mikil pæja :O)

Hæ hæ
Eins og vanalega er fullt að gerast í litla kotinu okkar. Litlu dömurnar okkar hafa farið á kostum síðustu vikur og alltaf er að bætast í safnið okkar sögur af þeim tveim. Við ættum eiginlega að fara að skrifa niður allt þetta skemmtilega sem þær segja og gera. Ísabella er búin að læra að frussa og nú frussar hún út í eitt. Hún hreinlega froðufellir svo mikil eru átökin. Svo vinkar hún alltaf þegar við við lokum hurðum, kann að klappa og sýnir okkur óspart hvað hún er rosalega stór.Læt eitt frussumyndband flakka af dömunni og annað þar sem hún sýnir listir sínar. Rakel er á fullu að læra stafina og nú getur hún skrifað nafnið sitt og þekkir fullt af stöfum.
Læt þetta duga í bili. Andinn er ekki yfir mér í dag :O)
Verið nú dugleg að skrifa komment eða í gestabókina okkar. Það er alltaf svo gaman að fá kveðjur frá ykkur :O)

Frussumyndbandið

Ísabella að sýna listir sínar

Útsofin og ánægð

2007-09-05T18:25:00.000Z

Góðan og blessaðan daginn.

Við Halli situm hér voða rómantísk í kvöld með sitthvora tölvuna í fanginu. Hann að horfa á fræðsluþátt frá Helgu og Daða og ég að blogga :O)

Hér er pínu pistill fyrir ömmur og afa á Íslandi sem hafa alltaf gaman af fréttum af stelpunum. Frænkurnar hafa kanski líka pínu gaman af :O)

Rakel Kara hefur farið á kostum síðustu daga okkur til mikillar ánægju. Hún er orðin SVO stór og fullorðin að það er bara hlægilegt að fylgjast með skottunni.

Myndin af Rakel hér fyrir ofan lýsir einu slíku fullorðinsandartaki sem var bara fyndið. Hún var nýbúin að greiða sjálf og setti svona fínar spennur í hárið. Svo lýsti hún því yfir að hún hefði ekki tíma til að tala við mömmu sína því hún væri UPPTEKIN við að þrífa eldhúsborðið, svo ætti hún eftir að búa um rúmið og þrífa sigtið í þurrkaranum :O)

Sama dag lýsti hún mömmu sína drottningu, pabba sinn Kóng og sig sjálfa prinsessu. ,,Hvað með Ísabellu" spurði ég. Eftir langa umhugsun sagði sú stutta ,,æ hún má bara vera snigill" :O)

Í dag þá vorum við tvær að hlusta á Vísnadiskinn hennar Rakelar og lesa Vísnabókina. Þegar við erum að fletta henni þá tekur sú stutta eftir mynd af gamalli konu með kyndil í hendinni. ,, Hey þetta er konan sem kyndir ofninn minn" segir hún og vitnar í lag sem ég syng alltaf fyrir hana á kvöldin. ,,Afhverju er hún svona leið" segir hún, ég útskýri fyrir henni að hún sé fátæk og eigi litla peninga fyrir mat. ,,En getur hún ekki bara keypt peninga? segir sú stutta.Eftir langa útskýringu afhverju konan sé svona leið á myndinni byrjar neðri vörin á Rakel að titra og endar með þvílíkum gráti yfir þessum ömurlegu aðstæðum konunnar :O)

Ísabella er farin að sofa rosalega vel á nóttunni 7-9-13. Allt þessari frábæru bók að þakka sem við keyptum fyrir stuttu. Þar eru margar sniðugar hugmyndir og þar segir m.a að það sé best að láta svona ung börn sofna á kvöldin milli 18:30 og 19:00. Í gær fór hún t.d að sofa kl 18:30 og svaf til 6:30 um morguninn :O) Vaknaði reyndar einu sinni í nótt en sofnaði bara strax aftur. Þetta ásamt fleirum atriðum í bókinni er að gera mikla lukku hér á heimilinu og við erum útsofin og ánægð.

Ekki meir í bili gott fólk

Bið að heilsa ykkur

Knús frá Svönsu, Halla, Rakel Köru og Ísabellu Katrínu.

Tíminn líður hratt

2007-08-27T20:21:00.000Z

Ég fékk pínu sjokk í dag, aðeins þrír mánuðir í að Ísabella fari á vöggustofu. Tíminn er svo fljótur að líða, skottan verður þá tæplega ársgömul :O) Ég settist því niður í dag, fyrir framan tölvuna, ákveðin í að finna voðalega hagsýnt Háskólanám. Syddansk Universitet er mjög stór Háskóli og með margar sniðugar námsbrautir og margt sem ég get hugsað mér að læra. Ég er búin að finna fjórar áhugaverðar námsbrautir en allar byrja þær aðeins einu sinni á ári þ.e.a.s í september, týbískt :O( Hvað á ég þá að gera? Ekki nenni ég að bíða í heilt ár.

Annars er bara allt gott að frétta af okkur. Ákváðum í síðustu viku að taka á svefnleysi Ísabellu því hún er loks orðin fullfrísk 7-9-13. Fórum í bæinn í bókarleiðangur, ákveðin að finna bækur um svefnleysi barna. Þetta varð hinn skemmtilegasti dagur, enda er miðbær Odense svo sætur og kósý. Veðrið var svo fallegt og Ísabella róleg og glöð svo við settumst úti og fengum okkur hádegisverð og lölluðum um bæinn í rólegheitunum. Bókin sem við keyptum var full af sniðugum hugmyndum sem við höfum nýtt okkur síðustu daga og það hefur gengið vel.

Erum komin með samkomulag við íslensku nágranna okkar um næturpössun. Þau passa s.s fyrir okkur einu sinni í mánuði og við fyrir þau. Á föstudaginn fóru Rakel og Ísabella í fyrstu næturpössunina og það gekk rosalega vel. Ég og Halli nýttum tækifærið ogfórum út á borða og á pínu skrall með Siggu og Ívari. Rosalega var gott að geta farið út og sofið út daginn eftir VÁÁ. Ég bíð bara spennt eftir næsta skipti :O)

Halli byrjar síðan í skólanum í næstu viku á þá er langa fríið okkar búið. Daglegt amstur tekur við með öllum sínum kostum og göllum. Við höfum haft það náðugt í sumar þ.e.a.s fyrir utan svefnlausar nætur. Sem betur fer höfum við verið tvö þessar nætur sem Ísabella hefur verið vakandi. Við Halli virðumst nú vera að vinna þessa baráttu, allavegana hefur hún sofið vel í þrjár nætur í röð :O) Svo er saumaklúbbur á föstudaginn og afmæli og Fraugdekvöld á laugardaginn.
Ég ætla að setja inn myndir og video af stelpunum næstu daga. Ótrúlegt hvað þær stækka og þroskast fljótt. Ísabella stendur upp og gengur með, segir mamma, datt og smellir í góm þegar hún er svöng. Í dag lærði hún að vinka bless og ef systir hennar er að stríða henni öskrar hún og lemur frá sér :O) Rakel fékk sitt fyrsta úr fyrir stuttu og er í óða önn að læra á gripinn.
Heyri í ykkur seinna
Ég vil minna á gestabókina og kommentlinkinn..
Svansa og CO

Stór dagur.

2007-08-11T19:49:00.000Z

Í dag stóð Ísabella upp við skógrindina, þetta er í fyrsta skipti sem hún stendur ein upprétt :O) Hún hefur verið að æfa sig í allan dag....ekki langt í að stubban fari að labba.
Góða helgi fólk
Svansa og co

Framkvæmdargleði hér í litla kotinu okkar.

2007-08-10T11:24:00.000Z

Það er búið að vera þvílík framkvæmdargleði hér á bæ...í dag er skýjað og tilvalið veður til að gera það sem hefur setið á hakanum síðustu daga.Þetta fína sólarveður hefur verið okkur dýrkeypt, já þegar það er heitt úti og flestar verslanir hafa loftkælingu, þá slysast maður oft inn í þessar búðir til að kæla sig aðeins. Auðvitað freistuðumst við til að kaupa einn eða tvo hluti. Keyptum m.a efni í framlengingu á skjólveggnum okkar, rosastóran spegil og tvö málverk. Nú er þetta allt komið á sinn stað og litla kotið okkar hefur bara skánað um helming eða svo :O)
Það er annars bara allt fínt að frétta af okkur. Vaknaði reyndar við skrítin hávaða í gær, hljómaði eins og slagsmál niðri í stofu hjá mér. Ég heyrði húsgögn færast til og í spörkum. Þegar ég hljóp niður til að kíkja hvað var í gangi var Halli í slagsmálum við þá stærstu könguló sem ég hef séð. Hún var eins og höndin á Rakel Köru. Hetjan náði nú samt að drepa hana og svo fór hann í hernaðarleiðangur um allt hús til að drepa allar þær köngulær sem hann sá. Þegar ég vaknaði í morgun voru skóför og brúnbleikar klessur um alla veggi :O) Það hefur verið algjör köngulóafaraldur hér í hverfinu síðustu daga, þær eru allsstaðar. Þær eru þó skárri en geitungar en á þessum tíma í fyrra drápum við 15-20 daglega inni hjá okkur. Nú hef ég valrla séð geitung þannig að ég er glöð og ánægð með köngulærnar.

Bið að heilsa ykkur og verið dugleg að kommenta eða skrifa í gestabókina mína.
Knús og kossar
Svansa og co

Stjörnubjart úti og 20 stiga hiti

2007-08-08T20:08:00.000Z

Við erum búin að hafa það rosalega notalegt síðustu daga. Hitinn hefur verið upp í 30 gráður og þá á maður að hreyfa sig sem minnst. Ótrúlegt hvað maður svitnar við minnstu verk eins og að búa um rúmið eða setja í þvottavél. Hér á bæ þurfa húsverkin bara að bíða betri tíma enda ekki annað hægt en að sitja úti og njóta góða veðursins :O) Í þessum töluðu orðum er Halli að kveikja upp í kamínunni úti og á friðarkertum, við ætlum að sitja úti og horfa á stjörnurnar og hafa það kósí. Ekkert sjónvarp í kvöld kæra fólk, bara rómantík og kertaljós :O)
Njótið nú lífsins gott fólk....
Svansa og co

Bara að tjekka inn

2007-08-02T19:02:00.000Z

Haglél í júlí í 20 stiga hita :O) Stóð sem betur fer aðeins ´
í nokkrar mínútur.

Rakel og Ísabella daginn sem sú síðarnefnda byrjaði að sitja

Systurnar þrjár, mamma og Rakel Kara

Captain Jack Sparrows

Rakel og Ísabella að horfa á ferða DVD

Á leiðinni í hjólatúr

Daginn sem Ísabella byrjaði að sitja stöðug.

Byrjuð aftur að blogga eftir margra vikna hlé. Ætlaði satt að segja að hætta þessu litla bulli en eftir langa íhugun hef ég ákveðið að halda áfram :O)
Höfum verið í löngu og góðu sumarfríi sem hefur staðið nú í einn og hálfan mánuð og eigum heilan mánuð eftir. Lúxuslíf hjá þessari litlu fjölskyldu hahah :O) Höfum tekið á móti fullt af gestum og það eru fleiri á leiðinni. Það finnst okkur bara rosalega gaman. Ákváðum í skyndi í byrjun júlí að skella okkur til Íslands sökum hundleiðinlegs veðurs hér í Danmörku. Hittum þar okkar skemmtilegu fjölskyldu og vini og nutum góða veðursins á Íslandi. Nú er bara ágústmánuður eftir í letilífi og við ætlum sko að njóta þess að vera í fríi og sleikja sólina. Loksins er góða veðrið að koma til okkar, spáin segir 30 gráður og heiðskír himinn :O)
PS: Ísabella Katrín er komin með tvær tennur, byrjuð að sitja og skríða.

Bið að heilsa ykkur öllum
Rembingsknús
Svansa og Co

2007-06-23T20:34:00.000Z

Rakel Kara blómarós

Nammi namm sveskjumauk

Ýtir sér út um allt

Áttum svo skemmtilegan dag að ég verð barasta að deila honum. Byrjuðum daginn á hjólatúr um sveitina hér um kring. Keyptum hjól handa mér í vikunni og hjólavagn fyrir Ísabellu og því getum við öll farið í stuttar hjólaferðir. Við hjóluðum í kringum hveitiakra og baunaakra,milli sveitabæja og inn í skóginn. Þetta er orðið nýjasta áhugamál okkar allra og er alveg þrælskemmtilegt :O) Eftir hjólatúrinn settumst við út í garð og borðuðum nestið okkar og höfðum það kósí.
Á Íslandi er Jónsmessan í kvöld en hér í DK heitir það Skt. Hans dag. Fraugdebúar halda þennan dag hátíðlegan með því að halda skemmtun út í skógi. Við grilluðum pylsur, hlustuðum á lifandi tónlist og horfðum á brennuna. Rakel lék sér við krakkana á meðan við höfðum það huggulegt með bæði dönskum og íslenskum nágrönnum okkar. Á eftir löbbuðum við heim enda stutt að fara. Á leiðinni heim var búið að kynda upp í annarri brennu í götunni á móti okkur og svo var lítil flugeldasýning.
Svona eiga allir dagar að vera:O)

Halli að grilla pylsur

Bálið mikla út í skógi

og auðvitað voru nokkrar nornir brenndar á bálinu :O)

Verið nú dugleg að kvitta í gestabókina eða skrifa komment. Það er svo gaman að sjá hver les þetta litla bull í mér :O)
Sumar og sólarkveðja frá Danmörku
Svansa og Co

Húrra, Húrra

2007-06-19T22:56:00.000Z

Hann Halli náði prófinu sínu með glæsibrag :O) Hann fékk 9 í einkunn og fékk góða dóma bæði fyrir dönskuna sína, svör og verkefni. Í tilefni dagsins fór hann út að borða í hádeginu með verkefnisfélögum sínum. Nú erum við komin í langt og gott sumarfrí. HHÚÚÚRRRRA :O) Við verðum s.s í fríi saman rest af júní mánuði og allan júlímánuð. Stefnan er svo tekin til Íslands í ágúst til að vinna pínu og safna pening.
Aggi er að fara í sitt síðasta próf á morgun og flýgur síðan til Íslands á morgun. Þess vegna fengum við okkur gott að borða og spjölluðum fram á rauða nótt með nágrönnum okkar þeim Rósu og Sveini. Svona til að kveðja hann og til að fagna prófl0kum Halla.
Við erum búin að redda hjólum fyrir ferðalangana sem koma til okkar í enda júní. Vonandi förumvið saman í marga og góða hjólatúra um sveitir Danmerkur. :O)
Jæja klukkan er orðin svo margt.
Faðm og kossar frá okkur ;O)

Prófdagurinn mikli á morgun

2007-06-18T20:50:00.000Z

Stóri hræðilegi prófdagurinn er á morgun. Í fyrramálið kemur í ljós hvort Halli muni klára sitt fyrsta ár í byggingartæknifræði hjá Syddansk Universitet. Hann hefur verið að læra undir sjö fög undanfarna daga því það er aðeins eitt próf fyrir þau öll. Þetta er þvílíkur lestur og það er mikið stress í þessu litla koti okkar. Í ofanálagi er þetta munnlegt próf og ekki erum við búin að dúxa dönskuna ennþá þó svo að við höfum búið hér í eitt ár. Á morgun þarf hann líka að verja verkefnið sitt sem hann hefur verið að vinna að alla þessa önn, á dönsku :O) Honum hefur gengið mjög vel hingað til og vonandi heldur það áfram. Þetta kemur allt í ljós eftir hádegi á morgun.
Fyrir utan prófstrtess er allt gott að frétta :O) Allir frískir :O). Ísabella er byrjuð að fara um allt gólf og er alltaf brosandi og hlæjandi. Hún borðar flestallan mat, maukaðan að vísu enda vantar allar tennur ennþá. Í dag fékk hún í fyrsta skiptið maukað pasta og brokkolí og fannst það æðislegt eins og allur matur sem hún leggur sér til munns. Þvílíkt matargat þessi stelpa. Ég blandaði fjórum sinnum í grautarskálina í dag og hún var enn svöng. Allar myndir sem ég tek af henni þessa dagana er hún brosandi,ég verð að fara að setja þær inn á barnalandssíðuna okkar.
Rakel talar mikið um ömmur sínar og afa þessa dagana. Ætlar sko í heimsókn til þeirra og ef ég vil ekki koma með þá ætlar hún sko alein :O) Fattar ekki alveg fjarlægðina á milli Ísland og Danmerkur :O) Ég missti út úr mér að amma Elsa og Afi Einar væru að koma í heimsókn og þess vegna eru ömmurnar og afarnir svona ofarlega í huga hennar þessa stundina. Hún telur niður dagana þetta grey og hlakkar mikið til að sjá þau.
Ég sjálf hlakka mikið til að komast í frí. Þetta er búið að vera ágætis próftörn og auðvitað er meira að gera hjá mér þegar Halli er að lesa fyrir próf. Svo verður líka gaman þegar allt þetta próftarnarstress er farið. Vonandi kemur Halli heim úr prófinu með bros á vör en það kemur allt í ljós á morgun.
Góða nótt kæra fólk,
Svansa og Co

Halli og Svansa partíljón

2007-06-11T19:40:00.000Z

Bríet og Rakel Kara í sól og sumaryl

Fraugdeveislan góða

Svona lítur garðurinn minn út eftir skemmtilegan sólardag, allt á rúi og stúi. :O)

Góðan dag, góðan dag góða fólk.
Aðalástæðan að ég held þetta frábæra blogg er að segja fólki frá lífi okkar hér í Dk. Á okkar bæ er alltaf nóg um að vera og þess vegna nóg um skrif. :O)
Hér er búið að vera algjör sólarparadís, 30 stiga hiti og heiðskír himinn. Erum búin að borða úti í garði hvert einasta kvöld. Höfum reyndar borðað í bakgarðinum, í forsælu undanfarið því sólin er að steikja okkur, þó svo að klukkan sé 8 um kvöld.
Í sumar og sól er hægt að hafa margt fyrir stafni. Fórum m.a í Egeskov síðustu helgi. Þar er stór og mikil höll og herragarður í kring. Spókuðum okkur um í góða veðrinu og fengum okkur síðan gott að borða. Svo héldum Fraugdekvöld fyrir stuttu þar sem allir íslenskir Fraugdebúar mættu á svæðið og grilluðu. Gæddum okkur á nautakjöti og tilheyrandi og skemmtum okkur konunglega fram á nótt. Krakkarnir léku sér úti til klukkan 23 í góða veðrinu. Næsta Fraugdekvöld verður örugglega stærra því fleiri Íslendingar eru að flytja í bæinn. Við Halli og Ísabella skelltum okkur í bæjarferð í vikunni meða Rakel var í leikskólanum. Miðbær Odense er glæsilegur og alltaf gaman að rölta um göturnar og kíkja í búðarglugga.
Við erum búin að vera mörg í heimili síðustu daga. Aggi, Elín og Svenni hafa gist hjá okkur þessa síðustu daga sem þau verða hér í DK. Við Elín höfum verið í daglegu sambandi í heilt ár og það verður svoldið sárt að geta ekki hitt hana daglega .Við sjáum þau nú kanski í ágúst því þá er stefnan er tekin á litla Íslandsdvöl.
Nú áðan fórum við eftir kvöldmat í litlan göngutúr út í skóg. Settum Ísabellu í náttföt og héldum nú að hún myndi sofna á leiðinni. En nei, hún er soddan selskapsbarn að hún fór ekki að sofa fyrr en seint og síðar meir. Rakel Kara er kát að vanda en saknar ömmu Elsu, afa Einars, ömmu Rannveigu og afa Hallgríms. Vildi alveg endilega fara í heimsókn til þeirra í dag og sagðist elska þau alveg rooooooooosalega mikið :O) Við verðum greinilega að vera duglegri að koma til Íslands.
Mamma, Pabbi, Jóhanna María og Danni eru svo væntanleg síðar í mánuðinum. Það verður alveg frábært að fá þau. Þó svo að við fáum ekki heimþrá þá fáum við það sem kallast fjölskylduþrá því auðvitað söknum við þeirra alveg rosalega mikið. Við erum búin að redda hjóli fyrir Danna frænda og því þarf hann að taka hjálminn með sér. Hér í hverfinu okkar er hjólabrettavöllur þar sem krakkarnir eru á hjólum, hlaupahjólum og hjólabrettum að leika sér. Ætlum svo að redda fleiri hjólum fyrir restina af fólkinu því hér er tilvalið að fara í hjólatúra með gott nesti með sér.
Jæja þetta er gott í bili.
Heyrumst og sjáumst sem fyrst gott fólk.
Knús og rembingsknús frá Svönsu, Halla, Rakel og Ísabellu.

Fyrsta prófið búið

2007-06-06T19:55:00.000Z

Hæ hæ vinir og vandamenn,
Fyrsta prófið hans Halla er afstaðið :O) Guð sé lof hahaha. Hann stóð sig með sóma og fékk 8 í einkunn þrátt fyrir svefnlausa nótt og lítinn lærdóm. Ísabella hefur nefnilega verið lasin og ekki sofið vel , hvorki á daginn né á nóttunni. Síðustu nótt svaf hún gjörsamlega ekki neitt þannig að Halli fór ósofinn í prófið. Ég reyndi eins og ég gat að vera niðri í stofu með Ísabellu í nótt en dönsk hús eru eins og pappakassi þ.e ef einhver hvíslar uppi á efri hæð liggur við að maður heyri það niður í stofu. Rakel greyið fór ósofin í leikskólann sinn, mjög fúl og uppstökk. Vildi helst vera heima og sofa. Hætti samt snögglega við þegar ég sagði henni að það væru ekki neinir krakkar að leika við í dag því þeir væru allir í skólunum sínum.
Það er mikið að gerast hjá okkur framundan. Aggi, Elín og Svenni ætla að gista hjá okkur í nokkra daga, Aggi reyndar lengur því hann þarf að klára prófin sín. Síðan eru þau flutt til Ísands :O( Jöggi og Jóna hafa hugsað sér að kíkja til okkar um helgina og gista, síðan er stutt í mömmu, pabba, Jóhönnu og Danna.
Nú er klukkan að verða 23 og hitastigið er 18 gráður og spáin út vikun alveg frábær. Hlakka bara til næstu daga, ætla að njóta veðurblíðunnar og taka garðinn minn í gegn.
Bið að heilsa ykkur öllum kæra fólk.
Kveðja Svansa og co

Vá mikið að gerast í dag.

2007-06-01T20:19:00.000Z

Þetta er búinn að vera annasamur en rosalega skemmtilegur dagur. Vöknuðum náttúrulega snemma eins og vanalega og þegar Rakel og Halli voru farin í skólann fórum við Ísabella ásamt fleirum í langan göngutúr niður í Norribjerg í kaffi til Karlottu. Rétt svo náðum að labba heim þegar tími var kominn á að fara í 25 ára afmælisveislu leikskólans hennar Rakelar Köru. Þetta var mjög fín veisla með flottum skemmtiatriðum og veitingum (Bjór og hvítvín). Það var alveg frábært veður, kanski aðeins of heitt :O)Allir sátu úti og drukku og átu og skemmtu sér vel. Þegar heim var komið var síðan farið í afmæliskaffi til hennar Rósu nágrannakonu og þar sátum við fram að kvöldmat.
Að lokum vil ég senda elsku Jóhönnu litlu systur litla kveðju.

Til hamingju með 20 ára afmælið og einnig með útskriftina í dag. Ég hefði alveg vilja vera með þér á þessum skemmtilega og merka degi. Hef hugsað til þín í allan dag. Skemmtið ykkur nú vel á Grillinu í kvöld :O) Rembingsknús og koss frá okkur öllum. Hlakka svo til að sjá ykkur :O)

Læt eitt lítið myndband fylgja með að þessu sinni. Þær eru náttúrulega endalaust sætar þessar dætur mínar :O)

Hvítasunnan

2007-05-28T20:22:00.000Z

Hæ, hæ
Ég ætla að skrifa stutt núna þar sem að klukkan er orðin svo margt.
Vil byrja á því að óska honum pabba mínum til hamingju með afmælið þann 25. maí. Svo á hún litla systir mín stóran dag þann 1. júní þar sem hún verður 20 ára gömul og útskrifast úr MR sama dag.
Hér hjá okkur er allt rólegt og gott. Törnin er byrjuð hjá honum Halla þar sem hann á að skila verkefninu sínu á föstudag. Svo byrjar próftörnin hjá honum strax í kjölfarið. Næstu vikur verða því annasamar hjá okkur öllum, því þá vantar mig meðhjálparann minn :O)
Okkur er farið að hlakka mjög mikið til að fá mömmu, pabba, Jóhönnu og Danna í heimsókn. Langt síðan við höfum séð þau öll og þá sérstaklega Danna. Ég er búin að vera að sigta út alla stráka í hverfinu á hans aldri sem hann gæti kanski leikið við þann tíma sem hann verður í heimsókn hjá okkur. Annars er ég alveg viss um að honum á ekki eftir að leiðast þar sem að við eigum örugglega eftir að fara með hann í Legoland, dýragarð og sundlaugagarða.
Erum búin að hafa það rosa gott um Hvítasunnuhelgina. Á sunnudaginn fengum við okkur gott að borða með uppdúkað borð og alles.Í dag hittum við svo Jögga, Jónu og co í litlum dýragarði hér rétt hjá. Alltaf gaman að hitta þau:O)
Nágrannarnir okkar íslensku fengu sér risa trampolín og föstudagskvöldið sátum við úti í garði, drukkum rauðvín og hoppuðum á trampólíni.Þetta var rosa skemmtilegt kvöld og við gjörsamlega grenjuðum úr hlátri á tímabili yfir tilþrifum okkar. Held að við höfum skemmt nágrönnum okkar jafn mikið. Verðum endilega að endurtaka þetta :O)
Jæja,svefninn kallar
Knús og kossar frá Svönsu, Halla, Ísabellu Katrínu og Rakel Köru sem segist sjá ömmur sínar og afa á hverju götuhorni:O)

Huggulegheit

2007-05-21T18:04:00.000Z

Hej Hej, alle sammen :O)
Allt í einu finnst mér eins og ég hafi allan heimsins tíma. Nú loksins finnst mér eftir að Ísabella fæddist allt komið í fastar skorður. Fannst fyrst til að byrja með alveg rosaleg vinna að eiga tvö börn og skildi ekki hvernig foreldrar með tvö börn gátu fundið tíma fyrir sjálfan sig. Nú er þetta bara allt í einu orðið lítið mál og við Halli höfum alltaf tíma fyrir okkur frá kl 8 á kvöldin því þá eru báðar dömurnar sofnaðar. Rakel er reyndar í leikskóla á daginn þannig að þetta er ekkert mál lengur.
Það er nú ekki mikið að frétta af okkur enda er ég búin að vera dugleg að skrifa. Erum reyndar búin að taka garðinn okkar í gegn. Gróðursetja blóm og tré og byggja grindverk í kringum allan garðinn báðum megin við húsið. Þetta lítur bara mjög huggulega út hjá okkur. Ég er að vona að ég hafi rosalega ,,græna fingur'' er reyndar búin að drepa nokkur sumarblóm. Tek það skýrt fram að það var ekki mér að kenna því að það komu rosalegir skúrir sem drekktu blómunum mínum. Ég var á tímabili mjög hrædd um að Ísabella sem var úti í vagni væri í stórhættu því að svo mikil var rigningin. Ég
fór út á nokkurra mínútna fresti til að athuga hvort hún væri nokkuð drukknuð. Auðvitað svaf hún eins og steinn og lengri dúr hefur barnið ekki tekið. Mamman rennandi blaut og áhyggjufull en hún í fastasvefni :O)
Rakel fór í skógarferð í gær með vinum sínum, ekki langt að fara enda skógurinn hinum megin við litlu sætu götuna okkar. Þar lenti Rakel í pínu hrakningum þar sem að hún brenndi sig á brenninetlum, vinkona hennar var fljót að bjarga henni frá brenninetluófétinu en brenndi sig líka í leiðinni. Það er gott að vita til þess hve Rakel á góða vini :O)
Próftörnin fer að byrja hjá Halla en fyrsta prófið hans er í byrjun júni en það síðasta 19 júní. Eftir prófin ætlum við að hafa það gott hér í Danmörku en komum kanski til Íslands í ágúst. Ætlum sem sagt að taka langt og gott frí og njóta þess að vera til og taka á móti gestum. Vonum bara að sem flestir komi að heimsækja okkur því okkur finnst alltaf gaman að fá gesti :O)
Endilega verið dugleg að skrifa í gestabókina okkar.
Kveðja
Svansa og Halli og co.

Video og annað skemmtilegt

2007-05-20T19:02:00.000Z

Síðustu dagar hafa verið alveg frábærir. Við áttum saman fjóra heila frídaga þar sem við gerðum í rauninni ekki neitt nema að borða góðan mat, fara í gönguferðir og bíltúra um sveitir Danmerkur. Við Halli ákváðum að ná upp svefni og lögðum okkur á daginn og það var alveg frábært enda erum við endurnærð :O) Í dag hefur verið alveg frábært veður og spáin framundan er góð. Hitastigið á að fara upp í 27 gráður og það á að vera sól og létt gola. Ekki amalegt :O). Í dag tókum við upp lítið video af Ísabellu Katrínu þar sem að ömmur og afar hafa ekki séð hana í svo langan tíma. Endilega látið fram hjá ykkur fara asnalegheit foreldranna en svona tölum við víst við börnin okkar :O)

Biðjum að heilsa ykkur öllum
Kveðja Svansa og co

Engar fréttir eru góðar fréttir

2007-05-14T18:09:00.000Z

Hér frá Danaveldi er allt gott að frétta. Allt gengur sinn vanagang og okkur er farið að hlakka til að komast í frí saman. Það er reyndar frídagur á fimmtudaginn og Danir nota þessa frábæru samlokureglu og taka sér líka frí á föstudaginn. Því er fjögurra daga helgi framundan :O). Spurningin mikla er hvað á maður að gera af sér í fjóra heila frídaga. Kanski skreppum við yfir til Þýskalands og gistum í eina til tvær nætur eða kanski förum við bara í Lególand, það er alltaf gaman. Reyndar er spáð rigningu alla næstu viku þannig að það verður ekki skemmtilegt útiveður.

Halli átti 32 ára afmæli þann 11 maí og í tilefni dagsins var bökuð súkkulaðiterta og Rakel föndraði flotta kórónu fyrir pabba sinn.

Að lokum langar mig að sýna ykkur hvað litla daman okkar hún Ísabella er orðin dugleg, ekki orðin 5 mánaða. Sjáið bara :O)

Bið að heilsa ykkur í bili kæra fólk.

Knús og kossar frá okkur öllum :O)

Litla fjölskyldan í Odense

Sældarlíf

2007-05-04T18:28:00.000Z

Hér er gersamlega búið að vera sólstrandarveður, algjört æði :O) Þegar maður er heimavinnandi er hægt að njóta veðurblíðunnar. Í dag fórum við t.d í langan göngutúr út í skóg á uppáhalds leikvöllinn hennar Rakelar Köru og svo var haldið heim á leið og ekki farið inn í hús fyrr en á háttatíma. Hér í hverfinu er allt iðandi af lífi og krakkar í tonnatali úti að leika sér. Mesta sportið er að leika sér í moldinni, sem er nóg af þessa dagana. Rakel þurfti að skipta um alklæðnað þrisvar sinnum í dag, hún var gjörsamlega drullug upp fyrir haus þegar ég var að hátta hana áðan. Tásluþvottur, handþvottur, hálsþvottur, allt heila klabbið :O) En mikið lifandi ósköp var þetta skemmtilegur dagur að hennar sögn. Á kvöldin byrjar svo skóleikurinn skemmtilegi, þar sem foreldrar í hverfinu uppgötva skó í garðinum hjá sér og reyna síðan að finna út hver á hvaða skó. Ætli krökkunum finnist ekki vera of heitt til að vera í skóm og skilja þá eftir hér og þar :O)

Í kvöld var í fyrsta skipti í langan tíma þar sem við grilluðum ekki, því aðalkokkur heimilissins skellti sér í Köben reisu í einn sólarhring. Því er Svansa greyið ein heima með börnin í kvöld hahah :O) Þar ætlar hann að hafa það náðugt með Jögga, Helga Mar, Steinunni og Ágústi Bjarka. og sletta aðeins úr klaufunum.
jæja nú jæja
bið að heilsa ykkur öllum rosalega vel
Kveðja Svansa, Halli og co

Svefnenglar í DK

2007-04-25T21:13:00.000Z

Ísabella í 25 stiga hita úti í garði á samfellunni einum fata

Rakel í 25 stiga hita í Aríel sundlauginni sinni sem Helga og Daði gáfu henni.

Ísabella mathákur farin að taka þátt í borðhaldi fjölskyldunnar.

Jæja, ég hef ekki verið dugleg að blogga síðustu vikur. Samt sem áður er alveg nóg að frétta. Hér hefur t.d verið sólstrandarveður, allt upp í 26 gráður. Við höfum öll verið að njóta veðurblíðunnar og okkur finnst eins og við séum stödd á sólarströnd í fríi.

Ég fór til Köben með Jónu á tónleika í síðustu viku. Sálin hans Jóns míns og Stuðmenn tróðu upp, Bjöggi Haldórs, Valgeir Guðjóns, Eyvi Kristjáns,Birgitta Haukdal og fl mættu líka á svæðið. Vorum líka í matnum, þriggja rétta máltíð á meðan þessir snillingar sungu og skemmtu gestum. Váaa hvað það var gaman þegar Eyvi söng Nínu eða þegar Valgeir söng popplag í G dúr.

Við höfum staðið í svefnstríði við dætur okkar síðan um Páska. Rakel vakir fyrri part nætur og Ísabella seinni partinn. Við Halli erum sem sagt ekki vel sofin þessa dagana og erum komin með bauga niður á höku.

jæja bless í bili

Hvet ykkur til að kíkja á barnalandssíðuna okkar, var að setja inn nýjar myndir. Endilega kvittið í gestabókina okkar því það er alltaf gaman að fá kveðjur

Nýjustu fréttir af Baunabúum

2007-03-15T19:25:00.000Z

Vorið er komið hér í Baunalandi og hitinn hefur farið upp í 15 gráður. Sólin hefur skinið síðustu daga og fólk er óða önnum að setja upp garðhúsgögnin sín og gera vorverkin. Allt í einu eru allir úti að njóta veðurblíðunnar.
Afmælisveislan hennar Rakelar Köru tókst bara vel hjá okkur. Allir vinir okkar hér í DK mættu á svæðið og heiðruðu afmælisbarnið með nærveru sinni :O) Rakel vaknaði eldsnemma um morguninn og skreið upp í rúm til okkar. Þar opnaði hún fyrsta pakka dagsins en hann var frá ömmu hennar Elsu, afa Einari og Jóhönnu Maríu. Í pakkanum leyndist m.a Sollu stirðu galli og ég hélt að daman myndi springa af ánægju. Niðri í stofu beið hennar svo splunkunýtt 16 tommu hjól sem þurfti nú að prófa strax. Klukkan sjö um morguninn var daman komin í Sollu stirðu gallann og farin út að hjóla. Afmælisveislan byrjaði svo klukkan tvö og við vorum um 18 talsins þegar mest var. Ég held að allir hafi bara skemmt sér vel, allavegana gerði ég það.

Daginn eftir var afmælisveisla haldin á leikskólanum hennar Rakelar Köru. Halli hafði bakað danskar bollur í tilefni dagsins og þær tók Rakel með sér. Þegar við mættum í leikskólann var danska fánanum flaggað henni til heiðurs og allir krakkarnir óskuðu henni til hamingju með afmælið og sungu. Þetta þótti minni nú ekki slæmt og brosti út að eyrum og lét alla vita að hún væri sko orðin fjögurra ára.

Af okkur fullorðna fólkinu er allt gott að frétta. Lífið gengur sinn vanagang. Halli er byrjaður að hjóla aftur í skólann og er reyndar líka byrjaður að lyfta. Ég byrja bráðlega aftur skólanum en ætla að vera í fjarnámi til að byrja með.

Íslandsför

2007-03-08T20:34:00.000Z

Hæ hæ
Ég hef heyrt undanfarið að ég sé ekki nógu dugleg að skrifa fréttir af okkur hér í Dk. Nú ætla ég bara að taka þetta með stæl og bæta upp glötuð blogg hahaha.
Nú styttist óðum í Íslandsför okkar jeeeeeha. Okkur hlakkar svoooo mikið til að hitta ykkur öll og sjá fallega landið okkar. Í huganum er ég búin að borða steiktan íslenskan fisk og lambalæri með öllu tilheyrandi tuttugu og fimmsinnum eða svo :O) og ég tala nú ekki um íslenska súkkulaðið mmmmmmm.Sem betur fer verðum við nú á Íslandi á súkkulaðihátíðinni einu sönnu. Verst þykir okkur þó að hitta ekki Rannveigu og Hallgrím því þau verða í Kína en vonandi koma þau bara bráðlega í heimsókn til okkar. Þeir sem ekki vita það þá munum við búa heima hjá tengdarforeldrum mínum meðan við verðum á Íslandi. Það fer nú vel um okkur þar :O)
Fyrst að ég er ekki lengur ófrísk þá munu heimsóknir okkar til Íslandsins góða verða fleiri og með styttra millibili.
Bless bless góða fólk
Bið að heilsa ykkur öllum
Svansa og co

2007-03-06T19:59:00.000Z

4 ára afmæli

2007-03-05T08:39:00.000Z

Ég var alveg viss um að vorið væri komið því að síðustu dagar hafa verið svo bjartir og vorlegir. Í gær vaknaði ég til að mynda við fuglasöng og glampandi sólskin. En nei, dagurinn í dag er ískaldur og grár :O)

Af okkur er allt hið besta að frétta. Rakel er glöð og kát og finnst fátt skemmtilegra en að vera á leikskólanum. Ég reyni alltaf að sækja dömuna frekar snemma því mér finnst fáránlegt að hafa hana allan daginn á leikskólanum þar sem að ég er heimavinnandi þessa dagana. Þegar ég mæti á svæðið spyr hún oft ,,má ég vera pínu lengur, gerðu það ", eða sendir mér þvílíkan svip sem merkir,,oh ertu strax komin"
Stóra stelpan hún Rakel Kara verður 4 ára 12 mars og er á döfinni að halda heljarinnar afmælisveislu. Þetta verður skrítin afmælisveisla því alla ættingja vantar en í staðinn mætir fólk sem við höfum þekkt í hálft ár. Samband milli fólks er allt öðruvísi og nánara hér í útlöndunum þegar alla ættingja vantar, fólk kynnist miklu betur og verður partur af fjölskyldu manns.
Ætlunin er að gefa prinsessunni hjól í afmælisgjöf því allir fjögurra ára krakkar í Danmörku eiga hjól og kunna að hjóla án hjálpardekkja. Leikskólarnir taka mikinn þátt í þessu og kenna krökkunum að hjóla og annan eins hjólaflota hef ég aldrei séð eins og á leikskólanum hennar Rakelar Köru.
Þema afmælispartísins að þessu sinni verður hafmeyjan Aríel enda er hún með alveg eins hár og Rakel Kara, að hennar mati :O) Svo kann hún alla söngva og getur liggur við talað með videomyndinni, svo oft hefur hún horft á hana.
Jæja bless í bili og endilega KVITTIÐ Í GESTABÓKINA.

http://barnaland.is/barn/49124/

2007-02-18T21:06:00.000Z

Komið þið sæl og blessuð,
Ég er búin að gera nýja heimasíðu sem verður aðeins myndasíða. Slóðin er http://barnaland.is/barn/49124/ . Þar sem fólkið okkar á Íslandi sér okkur svo sjaldan fannst mér tilvalið að búa til myndasíðu þar sem að allir geta fylgst með okkur stækka á lang og þverveginn. Til að geta skoðað myndirnar þurfið þið leyniorð en ef þið sendi mér e-mail á svooona@hotmail.com skal ég senda ykkur það. Ég er strax búin að senda inn fullt af myndum sem teknar voru í des,jan og feb.
Njótið vel :o)

Heimför frestað um sinn

2007-02-09T20:32:00.000Z

Hæ hæ allir á Íslandi sem koma hér reglulega í heimsókn

Nýjustu fréttir af okkur eru þær að við erum hætt við að koma til Íslands í febrúar en komum í staðinn um Páskana. Ástæðan er sú að við héldum að það væri frí í skólanum hjá Halla en það var rangt. Við fljúgum sem sagt út 30 mars og verðum á Íslandi í tæplega tvær vikur.
Það er búið að vera nóg að gera hjá okkur síðustu vikur. Á miðvikudaginn áttum við Halli 11 ára afmæli. Við höfum verið saman rúmlega einn þriðja af minni ævi...Hugsið ykkur :o)Í tilefni dagsins ákváð ég að koma Halla á óvart og bjóða honum út að borða. Þetta kom honum skemmtilega á óvart því við höfum ekki farið út saman án barnanna í hálft ár. Aggi og Elín, vinir okkar, pössuðu stelpurnar meðan við fórum á fínan veitingarstað og fengum okkur 5 rétta máltíð þar sem var búið að sérvelja vín með hverjum rétti. Þetta þótti honum Halla mínum ALGJÖRT ÆÐI þar sem hann er einn sá mesti sælkeri sem ég þekki. Þetta var virkilega notalegt kvöld þar sem við gátum slappað af og notið okkar. Það er gott að eiga góða að hér í Danmörku.
Eftir að hafa tekið tveggja vikna magakveisusyrpu er Ísabella orðin algjört draumabarn. Hún borðar og sefur til skiptis og brosir inn á milli. Hún er farin að sofa klukkan 21:00, vaknar einusinni yfir nótt til að drekka og sefur svo til 9:0. Svona eiga börn að vera :o)

Jæja bið að heilsa ykkur öllum. Ég set inn nýjar myndir af litlu krúttunum á næstu dögum.
Verið nú dugleg að kvitta í gestabókina :o)
Það er alltaf svo gaman að fá kveðjur

Svansa, Halli og krútt

Myndir

2007-01-29T20:00:00.000Z

Rakel jólastelpa

Aðfangadagur. Rakel Kara og Ísabella Katrín

Rétt fyrir jól

Ísabella Katrín nokkra daga gömul

Myndir af okkur

2007-01-29T19:33:00.000Z

Halli og Ísabella Katrín

Rakel að fara í afmæli

Eitt af fyrstu böðum Ísabellu

Rakel Kara stóra systir og Ísabella Katrín litla systir

Ísabella Katrín

Hér eru nokkrar myndir af okkur

2007-01-29T19:16:00.000Z

Ísabella boxari

Það er búið að nefna dömuna

2007-01-24T22:14:00.000Z

Ó já, það er búið að nefna dömuna en hún á að heita Ísabella Katrín :o)

Ísabella þýðir ,,fögur" og Katrín þýðir ,,hin hreina".

Við tókum þetta nafn framyfir Ísabella Jólasveinn en það nafn hafði hún Rakel Kara valið á systur sína. Nafnið Ísabella virkar bæði á Íslandi og Danmörku annað en nafnið Rakel sem missir allann sinn sjarma þegar það er borið fram á dönsku , gagöl. Eins og flestir vita geta Danir ekki borið fram R á íslenskan máta og þar með breytist þetta fallega nafn í GAGÖL.

Síðustu vikur hafa verið annasamar hjá okkur. Prinsessan fæddist 19 des, svo komu jólin og mamma og pabbi og Jóhanna komu í heimsókn og voru hjá okkur um áramótin. Halli var í prófum í byrjun janúar og notaði allan þann tíma sem hann átti lausann milli jóla og nýárs í próflestur. Þann 11 janúar kláraði hann prófin með glæsibrag og 18 jan komu Hallgrímur og Rannveig til okkar í nokkra daga til að sjá nýjasta afa og ömmubarnið.

Um miðjan febrúar ætlum við til Íslands í frí og til að skíra dömuna.

Endilega skrifið nú í gestabókina okkar..það er alltaf svo gaman að fá kveðjur :o)

Ástarkveðja frá Svönsu, Halla, Rakel Köru og Ísabellu Katrínu.

prinsessan

2006-12-21T17:17:00.000Z

Prinsessan fædd

2006-12-21T17:03:00.000Z

Nú er loksins komið að því.

2006-12-18T08:43:00.000Z

Nú er loksins komið að því.....ég verð sett af stað á morgun. Það er svoldið skrítið að taka einhvern ákveðinn dag í þetta, venjulega gerist þetta sjálfkrafa og eðlilega. Þetta barn ætlar sér greinilega að koma á fæðingardegi Helgu systur sem verður 25 ára á morgun. Þriðjudagurinn 19. des 2006 verður þá væntanlega fæðingardagur barnsins okkar, skrítið :o)
Það góða við þetta allt saman er að við höfum haft nægan tíma til að undirbúa jólin og komu barnsins. Á okkar heimili er bókstaflega allt tilbúið...jólamaturinn í frystikistunni, jólafötin tilbúin inní skáp, jóladúkarnir hreinir og fínir, allar gjafir komnar á sinn stað og jólakortin í pósti.
Ég mun væntanlega skrifa einu sinni enn inn á þessa heimasíðu fyrir jól....geri það þegar ég kem heim af fæðingardeildinni, vonandi þá með góðar fréttir af heilbrigðu og fallegu barni :o)

Allir mínir góðu vinir og vandamenn.
Ég óska ykkur öllum gleðilegra jóla og farsældar á nýju ári.
Vonandi sjáumst við sem oftast á nýju ári.
Jólakveðjur til allra :o)

Ekkert barn komið enn :o(

2006-12-12T15:52:00.000Z

Vildi bara láta vita að það hefur ekkert barn fæðst enn. Ég átti sem sagt að eiga 5 des en nú viku seinna hefur bara ekkert gerst. Ég fór í skoðun í dag og allt lítur ljómandi vel út og barnið stækkar ört og er nú í dag um 3800 gr. Ég verð sett á stað þann 19 des ef ekkert hefur gerst fyrir þann tíma. Það lítur því út fyrir að litla krílið muni stela afmælisdeginum hennar Helgu systur. Ég mun því líklega eignast dökkhært gáfnaljós með típugleraugu og elskar kaffi og líkamsrækt. :o)

Litlu jólin

2006-11-19T19:55:00.000Z

Hæ, hæ

Vorum svo heppin að vera boðin í Hangikjöt og uppstúf í gærkveldi til vinahjóna okkar. Þetta var æðislega góður matur og smakkaðist jafnvel betur hér í Danmörku en á Íslandi. Í dag var svo allt húsið tekið í gegn og síðustu jólaskreytingarnar settar upp. Nú á aðeins eftir að setja upp jólatréð en það verður ekki gert fyrr en á Þorláksmessu samkvæmt hefðinni.

jóla hvaö

2006-11-17T11:25:00.000Z

Ég fór í fínan jólaleiðangur í gær sem endaði á kaffihúsi með iceblend með súkkulað namm namm. Keypti reyndar ekki eins mikið af jólaskrauti og ég ætlaði en það kemur dagur eftir þennan dag. Ég er mjög upptekin af jólunum þessa dagana og er búin að skreyta alveg helling niðri en á alveg eftir að skreyta uppi.
Í gærkveldi buðu Elín og Aggi okkur í hvítöl. Við erum sem sagt að reyna að finna út hvaða hvítöl líkist mest íslenska maltinu og hvaða danska appelsín líkist mest því íslenska. Síðan þarf að athuga hvort hægt sé að blanda þessu saman svo að við fáum nú malt og appelsín með jólamatnum okkar :o) Ég heyrði reyndar að það væri hægt að kaupa þetta í Jónsbúð í Köben og í íslendingasjoppunni í Horsens en þetta er bara miklu skemmtilegra.
Ég get svo svarið fyrir það að hún Rakel verður altalandi dönsku eftir nokkra mánuði. Hún lærir greinilega mikla dönsku á leikskólanum sínum því að við erum í mörgum tilvikum hætt að skilja hana :o) Grínumst með það að við þurfum að fá túlk á heimilið :o) Við erum að reyna að fá hana til að tala íslensku heima en dönsku á leikskólanum. Þegar ég bað hana í gær vinsamlegast um að tala við mig íslensku sagði hún bara,, mor kannt þú kanski ekki að snakke dansk? Svona blandar hún báðum tungumálunum saman og með þvílíkum dönskum hreim hvort sem orðin eru íslensk eða dönsk. Ég held að það sé kominn tími til að taka í taumana og biðja hana um að tala eingöngu íslensku heima hjá sér annars getur hún ekki aðgreint hvort tungumálið hún er að tala. Okkur finnst stundum reyndar svoldið fyndið að heyra í henni, sérstaklega hreimurinn hennar.

Bless í bili
Skrifiði nú í gestabókina mína

Það er að koma desember

2006-11-15T20:51:00.000Z

Nú er ég sko orðin ólétt. Mér hefur aldrei fundist ég eins þung á ævinni og ákkurat núna í dag. Ég labba eins og mörgæs og er komin með stórar silikúnvarir og bólgið andlit :o) Ég er s.s komin með þetta týbíska óléttuútlit. Sem betur fer þá styttist í áætlaðan fæðingardag sem verður ekki degi seinna en 5.des. Allt er að verða tilbúið fyrir fæðinguna, og síðustu daga hefur Halli greyið verið settur í óteljandi verkefni sem tengist barninu og jólunum. Mér finnst ég svo ósjálfbjarga að geta ekki farið sjálf upp á háaloft til að bera niður jólakassana og allt barnadótið en sem betur fer þá stend ég ekki ein í öllu þessu stússi.
Ég er í hálfgerðu menningarsjokki þessa dagana þar sem að öll mæðravernd er í algjöru lágmarki hér í DK. Ég fór í skoðun í byrjun nóv og á ekki að fara aftur fyrr en 30 nóv þ.e.a.s nokkrum dögum fyrir áætlaðan fæðingardag. Á Íslandi þá fór ég vikulega mæðraskoðun síðasta mánuðinn. Á spýtalanum þarf ég síðan að koma með allt sjálf þ.a.m bleyjur á barnið og svo þarf ég að kaupa sérstakar bleyjur á sjálfa mig TAKK FYRIR. Eins gott að maður muni eftir öllu, mér sýnist þetta ætla að verða stór ferðataska :o(
Það er s.s allt að smella saman hér hjá okkur og allt að verða tilbúið fyrir jólin og barnið. Við erum búin að kaupa flestar jólagjafir og við skreyttum húsið okkar síðustu helgi. Á morgun ætla ég reyndar í pínu jólaleiðangur með bestu nágrannakonu heimsins henni Elínu :o) og kaupa fullt af jólaskrauti og kertum og kanski síðustu jólagjafirnar.
Það fer að styttast í að mamma og pabbi og Jóhanna María litla systir komi í heimsókn til okkar. Við söknum þeirra auðvitað rosalega mikið og okkur hlakkar ótrúlega mikið til að sjá þau. Helga og Daði drífið ykkur bara í að kaupa farmiða til okkar og höldum almennilega upp á áramótin öll saman :o)
Ég bið ofsalega vel að heilsa ykkur öllum.
Knús og kossar :o)
Ég vil minna ykkur á gestabókina mína. Kvittið nú fyrir ykkur

Það styttist óðum.

2006-11-10T10:18:00.000Z

Rakel ólétta.

OOO við erum svo hræðilega sæt :o)

Rakel klifurköttur

Ég trúi ekki hvað það er langt síðan ég skrifaði inn á þessa heimasíðu. Ég hef nokkrum sinnum byrjað að skrifa en ekki birt það sökum ritstíflu. Svona er þetta bara stundum. Síðan ég skrifaði síðast hefur samt sem áður margt gerst hjá okkur hér í Óðinsvéum. Við fengum t.d mjög skemmtilega heimsókn frá mömmu hans Halla og Helga og Steinunni. Rannveig var hjá okkur í heila viku en Helgi og Steinunn voru hjá okkur eina helgi. Það var notalegt og gaman að hafa allt þetta fólk hjá okkur í heimsókn. Rannveig kom með mikið af skemmtilegum gjöfum frá Íslandi t.d Ávaxtakörfuna á DVD, íslenskt nammi, flatkökur og hangikjöt mmmmmm :o) og ekta íslenskt lambalæri namminamminamm.Það er alltaf gaman að fá fólk í heimsókn frá Íslandi og ég mæli með því að sem flestir kíki á okkur og sem oftast :o)
Nú er allt að verða tilbúið fyrir litla krílið að koma í heiminn. Ég fór í tvær skoðanir fyrir stuttu, eina hjá ljósmóður og eina hjá lækni og allt lítur svona ljómandi vel út hjá okkur. Barnið er búið að skorða sig og nú bíð ég bara og bíð eftir því að það vilji koma í heiminn.

Fyrir stuttu tókum við þátt í svokölluðu lanternfest í leikskólanum hennar Rakel. Krakkarnir föndruðu allir lugtir úr mjólkurfernum og máluðu í fallegum litum.Því næst festu þau kerti inn í og æfðu sérstaka söngva. Þegar dimmt var orðið var kveikt á lugtunum og farið í göngu og sungið, mjög notalegt. Svo var endað á því að drekkað heitt súkkulaði og borða bollur. Mjög skemmtilegt kvöld.

Skólarnir okkar

2006-10-11T12:18:00.000Z

Hæ,hæ vinir og vandamenn :o)
Ég er loksins byrjuð í skólanum eftir marga og notalega frídaga. Nú þarf að ræsa liðið klukkan 6:40 á mánudögum - miðvikudögum og föstudögum svo allir komist nú á réttum tíma í skólana sína. Á þriðjudögum og fimmtudögum ætlum við Rakel að sofa út til 8:00 því þá er ég í fríi og hún þarf ekki að vera mætt á leikskólann fyrr en 9:30. Skólinn virkar mjög vel á mig og ég kann vel við alla kennarana og þá nemendur sem ég hef kynnst.
Halli var að fá út úr fyrsta prófinu sínu, eðlisfæði og stærðfræði. Honum gekk svona ljómandi vel og varð þriðji hæstur með einkunnina níu. AF 25 nemendum sem tóku prófið voru 12 sem féllu með einkunnina þrjá þannig að hann er vel fyrir ofan meðaltal.
Rakel Köru gengur sem betur fer einnig vel í sínum skóla. Hún var í voða fínni myndatöku í gær þar sem fenginn var atvinnuljósmyndari til að taka myndir af leikskólabörnunum. Foreldar geta síðan keypt misstóra ljósmyndapakka ef þeir vilja. Þetta er gert árlega og er alveg stórsniðugt því ljósmyndarinn er þrælgóður og myndirnar ódýrar.

Það er nú gott að okkur gengur öllum vel hér í DK :o)

Ja hér hvað tíminn líður.

2006-10-05T09:03:00.000Z

Já, hugsið ykkur, það er kominn október. Það er að byrja að hausta hér í Danmörku eftir hreint geggjað sumar. Grasið og tréin eru þó enn græn en maður sér laufblöðin liggja á götunni. Hitastigið fór í fyrsta skiptið niður fyrir 20 gráður um miðjan dag í vikunni og þá er heldur betur kominn tími til að fara upp á háaloft og skipta út sumarfötunum í haust- og vetrarfötin. Hlírarbolurinn og pilsið dugar ekki lengur heldur er síðbuxna- og langermabola tímabilið að hefjast. Verst er að Muggarnir eru enn á kreiki og ég fékk átta stungur í handlegginn í nótt. Það virðist sem þeir sogast að mér þessa dagana en láta alla aðra í friði:o(
Við Rakel erum búnar að vera með flensu síðustu daga og höfum verið heima. Það hefur verið mjög erfitt að halda henni inni síðustu daga enda vill hún endalaust vera úti að leika sér. Sem betur fer þá unir hún sér best úti enda er ekkert hollara en mikil og góð útivera.
Ég fór í sónar á þriðjudaginn og það gekk allt saman mjög vel. Barnið virðist vera heilbrigt og stækkar vel. Það er strax að verða sjö merkur en á síðustu vikunum þá þyngist barnið mest. Það hefur því átta vikur til að komast upp í 14 merkur (vonandi ekki meir). Því miður gat ljósmóðirin ekki verið alveg 100% viss um kyn barnsins en hún sagðist vera næstum viss um að þetta væri lítið stúlkubarn. Hún bætti því jafnframt við að það gæti alltaf leynst lítill pungur sem hún sæi ekki.
Samkvæmt öllum kellingabókum þá á ég að ganga með strák. Kúlan er neðarlega og mittið er löööööngu farið. Ég er með týbíska strákakúlu og nágrannakona mín sem segist alltaf hafa rétt fyrir sér í svona málum segir að ég gangi með strák. Allar konur sem ég hef talað við segja að ég gangi með dreng. Það er gaman að heyra muninn á körlum og konum þegar kemur að ágiskunum á kyni barnsins.
Halli hlær t.d af þessu öllu saman og segir að þetta sé bara tölfræði. Það sé 50 % líkur á hvoru kyni fyrir sig :o)segir að það sé engan veginn hægt að sjá neitt út frá því hvernig kúlan liggi. Hann segist þó vera viss um að hann sé að fara að eignast stelpu og þar liggi engin kellingaspeki á bak við heldur blákaldar staðreyndir:o)Hann heldur því fram að það séu álög á fjölskyldunni hans. Foreldrar hans áttu bara syni og nú munu þeir bræður aðeins eignast dætur. Sem sönnun vitnar hann í bróður sinn sem á þrjár dætur og tilhneigingu móðurfjölskyldu hans til að eignast aðeins annað kynið.
Ég ætla nú bara að sjá hvað gerist eftir átta vikur. Ég ætla hvorki að mála barnaherbergið bleikt né blátt og ætla að hafa hlutlaus föt tilbúin á litla krílið þegar það fæðist. En ef við eignumst stelpu þá gæti ég alveg farið að trúa á álögin sem Halli talar um.

LOOOOKSINS

2006-09-27T11:31:00.000Z

Ein óléttumynd af Svönsu fyrir þá sem hafa áhuga híhí.

Loksins fæ ég að fara í sónar. Ég var að fá bréf frá sjúkrahúsinu í Odense og þar stendur að þeir vilji endilega fá mig í sónar þann þriðja okt. Kominn tími til :o)

Já og hér eru enn fleiri fréttir, þetta ætlar bara að verða rosa góður dagur. Danir hafa ákveðið eftir mikla íhugun að treysta okkur fyrir svokölluðu Dankorti sem er eins og íslenskt debetkort. Ég veit ekki afhverju bankanum snérist hugur og ákvað skyndilega að láta okkur fá Dankort. Við sem mættum í bankann í dag í þvílíkum vígahug og ætluðum sko ekki að láta einhverja bankastarfsmenn neita okkur um svona sjálfsagðan hlut. Við náðum ekki einu sinni að hækka róminn heldur voru kortin bara pöntuð fyrir okkur með bros á vör.

Nýtt myndband af Rakel Köru.

2006-09-26T18:38:00.000Z

Ennþá er hún svoldið upptekin af Latabæ.
Þetta lag heitir Stundum eitthvað ljótt og loðið:o)

Enn sumar í DK

2006-09-26T17:05:00.000Z

Það er bara rosalega lítið að frétta af okkur hér í Danaveldi. Sem betur fer þá þýðir það að okkur líður vel og við njótum þess að vera til. Veðrið er búið að vera svo frábært að við erum ennþá í sumarfötunum og við njótum þess að vera úti.

Sjálfri finnst mér æðislegt að vera ekki að gera neitt í augnablikinu því ég man þann tíma þegar ég var ólétt af Rakel Köru og var að vinna úti allan daginn. Þá var ég alltaf þreytt og bólgin en nú get ég lagt mig yfir miðjan dag ef ég vil og get hugsað vel um sjálfa mig. Svona lúxus varir þó ekki lengi því að skólinn minn byrjar fljótlega og þá verð ég á fullu aftur í heimalærdómi og svoleiðis stússi.
Bumban stækkar ört enda eru aðeins tveir mánuðir í stóra viðburðinn. Ég er farin að hallast að því að þetta sé drengur, lítill fótboltastrákur, sem sparkar allan daginn. Ég man ekki eftir svona miklum látum þegar ég var ólétt af Rakel Köru.
Við fórum í mæðraskoðun í síðustu viku og allt lítur svona ljómandi vel út. Það er skortur á ljósmæðrum hér í Odense þar sem 1/4 af þeim eru í fæðingarorlofi. Í Danmörku eru að meðaltali átta skoðanir hjá ljósmæðrum og vegna orlofa þá fækkar þeim í sex skoðanir. Okkur íslendingunum finnst þetta vera allmikið kæruleysi þar sem að mæðraskoðanir eru miklu fleiri á Íslandi. Ég man að ég fór vikulega síðasta mánuðinn þegar ég var ólétt af Rakel og var alltaf í stanslausum blóðprufum þar sem að ég er RH-. Við verðum víst að sætta okkur við að svona gengur þetta fyrir sig í Danmörku og vona að allt gangi vel :o)
Halla gengur alveg ágætlega í tæknifræðináminu sínu. Hann er að fara í sitt fyrsta próf í stærðfræði og burðarþolsfræði á föstudaginn og við vonum að það gangi vel. Sem betur fer er bókin hjá honum á ensku en prófið sjálft verður auðvitað á dönsku. Ætli stærsta vandamálið verði ekki bara að þýða prófið yfir á ensku :o)
Við biðjum að heilsa í bili og bráðlega setjum við inn myndir og annað myndband af Rakel Köru.

Skilaboð til Ömmu Rannveigar frá Rakel: Takk fyrir mig (Bros)
Skilaboð til Ömmu Elsu frá Rakel :Það er svoldið hart í sokknum.

PS: Ég hef ekki hugmynd um hvað hún er að meina með þessum orðum en hún bað mig um að skrifa þetta til ykkar :o)

Snuddulaus, dagur tvö.

2006-09-18T19:40:00.000Z

Nóttin var okkur öllum erfið þar sem Rakel Kara vaknaði oft og grét mikið vegna snuddusöknuðar. Í morgun var hún samt afar kát en hafði áhyggjur af því hvað jólabörnin væru frek að vera með duddurnar hennar ALLAN DAGINN. Hún minntist ekkert á snuddurnar í leikskólanum en um leið og við komum heim þá opnaði hún snudduskúffuna bara til að athuga hvort jólabörnin hefðu ekki örugglega skilað þeim. Eftir að hafa rætt málin vel og lengi yfir eplasafa og kex með húmmusi var hún bara nokkuð sátt yfir þessu öllu saman og stolt yfir því að vera hætt.Nú minnir hún okkur stanslaust á það hvað hún sé ROSALEGA DUGLEG að gefa jólabörnunum duddurnar sínar. Þegar þetta er skrifað er hún sofnuð og það án þess að fara að gráta. Vonandi mun nóttin ganga vel fyrir sig.

Snuddudagarnir búnir.

2006-09-17T20:19:00.000Z

Þetta er dagur sem Rakel Kara gleymir seint. Í dag kom jólasveinn og fékk allar snuddurnar hennar lánaðar til að gefa litlu jólabörnunum. Þegar ég sagði henni fréttirnar þá lá við að heimurinn hrundi. Á milli ekkasoganna kom hún með allskonar hugmyndir um hvernig við gætum náð snuddunum aftur t.d að keyra upp í fjöllin og taka snuddurnar o.s.fr. Þetta er sem sagt hennar fyrsti snuddulausi dagur af mjög mörgum, vonandi. Svefntíminn var henni erfiður og þurfti ég að syngja stanslaust frumsamið lag um hvað hún væri dugleg, stór og sterk að gefa jólabörnunum snuddurnar sínar.

Video af Rakel Köru

2006-09-11T19:58:00.000Z

Set nýtt video inn bráðlega :o)

Nokkrar myndir af okkur í DK

2006-09-11T08:05:00.000Z

Halli og Rakel í bátsferð í tívolíi í Köben

Við bökum allavegana þrisvar í viku hér í DK.Þarna erum við að baka kryddbrauð.

Í tívolíi í Köben .

Rakel í fína stólnum sínum á hjólinu hans Halla. Hún verður alltaf svoldið svekkt þegar ég kem að sækja hana á bílnum í leikskólann en ekki pabbi hennar á hjólinu.

Ekki mikið að frétta.

2006-09-10T20:03:00.000Z

Hæ, hæ allir saman. Það er ekki mikið að gerast hjá okkur í DK annað en að lífið gengur sinn vanagang. Reyndar er ég í hrriiiiiiikalega miklu sjokki yfir brautinni sem ég valdi mér í Háskólanum og skal ég reyna að útskýra það fyrir ykkur.
Enski hlutinn er rosalega skemmtilegur en þar er ég ég að læra breska stjórnmála-og samtímasögu og enska málfræði. Þetta eru sjö tímar á viku og gengur bara rosalega vel. Þýski hlutinn (einnig sjö tímar á viku) er hinsvegar alveg að fara með mig. Ungt danskt fólk virðist tala reiprennandi þýsku enda eru þau búin að læra þýskuna í átta til níu ár. Fyrsti þýskutíminn minn var munnleg þýska í tvo tíma. Þar áttu allir að segja frá sjálfum sér á þýsku og afhverju þetta nám var fyrir valinu o.s.fr. Það sem kom mér svakalega á óvart var að þetta gátu allir í bekknum nema ég því að ég hef aðeins lært þýsku í tvö ár og það var fyrir níu árum síðan. Næsti tími var þýsk málfræði og þar var byrjað á því að leggja fyrir okkur próf. Prófið var heilt A4 blað með dönskum texta sem átti að þýða yfir á þýsku. Ég get sagt ykkur það að ég dúxaði ekki á þessu prófi :o( Daginn eftir fór ég í þýska nútíma-stjórnmálasögu þar sem að kennslan var auðvitað aðeins þýsku , kennslubókin er á þýsku og við eigum að taka þátt í umræðum um stjórnmál landsins á þýsku. Lokaprófið verður síðan ritgerðarpróf á þýsku. Eitt í viðbót…þann 21 nóvember á ég að halda 30-40 mínútna fyrirlestur á þýsku um eitthvað sem ég hef ekki hugmynd um hvað er vegna þess að ég skildi ekki kennarann :o). Ég er sem sagt í heilmiklu sjokki yfir þessu öllu saman og er mikið að hugsa um að geyma háskólanámið í eitt ár þar sem að ég hefði hvort sem ekki getað tekið lokaprófin í desember/janúar vegna barneigna. Ég hef hinsvegar fundið annað áhugavert nám þar ég er mikið að hugsa um að fara í. Það nám stendur mér til boða núna strax og er dönskunám þar sem að skólinn er þrisvar í viku frá 8-14:30. Þar er tekið stöðupróf og því lendir maður í bekk þar sem að allir eru jafnir. Hvert dönskustig tekur um tvo mánuði en getur tekið styttri tíma ef maður er ofsalega duglegur. Ég gæti þá tekið allavegana eitt dönskustig áður en litla barnið fæðist. Ég ætla nú samt sem áður aðeins að sjá til, og bíða með að taka ákvörðun í nokkra daga og athuga hvort að Háskólanámið lagist ekki.
Sem betur fer gengur Halla og Rakel vel í sínum skólum og eru ánægð. Rakel verður örugglega vel talandi á dönsku eftir nokkra mánuði þar sem að hún er alltaf að koma með fleiri og fleiri dönsk orð. Okkur finnst svo skrítið þegar hún segir ,, men jeg” í staðinn fyrir að segja ,, en ég” eða ,, vaske hænder” í staðinn fyrir að segja ,, þvo sér um hendur”. Svona koma dönsku orðin hjá henni fleiri og fleiri þó svo að það sé aðeins mánuður síðan hún byrjaði á leikskólanum. ,,Mamma ég þarf að tisse” sagði sú stutta í gær :o)
Jæja mamma og pabbi loksins fáið þið að sjá markísuna (marissa :O) ) okkar sem við fengum á brjáluðum afslætti (þökk sé pabba). Eins og þið sjáið þá kemur hún rosalega vel út. Garðurinn verður einhvernveginn hluti af húsinu þegar markísan er úti og þegar nær dregur að jólum ætlum við svo að setja þarna jólatré með fullt af jólaljósum.Það verður örugglega rosa kósý.
Í vikunni ákváðum við að það væri kominn tími á að þessi litla fjölskylda færi í klippingu. Í næstu götu er hárgreiðslustofa í heimahúsi sem við ákváðum að prufa þar sem að nágrannar okkar komu svona rosa fínir frá henni Klippingin hjá Halla og Rakel tókst svona svakalega vel en mitt hár varð allsvakalega hræðilegt. Segjum bara sem svo að Halli komst að þeirri niðurstöðu að það væri misskilningur að það væri mikið af múslimakonum í Danmörku. Þetta eru allt konur sem hafa farið í klippingu og litun hjá hárgreiðslukonunni okkar og þurfa að nota slæður fyrir vikið.

Jæja, jæja nú er nóg komið í bili :o)
Við söknum ykkar allra rosa mikið,knús og kossar

Markísan okkar

2006-09-10T19:51:00.000Z

Sumarfríið búið

2006-08-28T19:40:00.000Z

Fyrsti skóladagurinn minn var í dag. Þetta voru upplýsingatímar þar sem að kennarar og tutorar kynntu sig og námsefni vetrarins. Fyrsti ALVÖRU skóladagurinn minn verður þó ekki fyrr en á mánudaginn því þá byrja tímarnir eftir stundatöflu. Allir tímarnir verða með fáum
nemendum sem er alveg ferlega fínt því þá hlýt ég að fá góða kennslu. Ég kynntist nokkru fínu fólki í dag og þ.á.m finnskri stelpu sem verður í nákvæmlega sömu tímum og ég.
Þar sem alvara lífsins fer loksins að taka við ákváðum við að lengja aðeins í fríinu og skella okkur í helgarreisu til Köben. Við gistum hjá Helga og Steinunni og fórum í tívolí, átum smorrebrod (úpps á eftir að fá danskt lyklaborð) og skemmtum okkur alveg konunglega í kóngsins köbenhavn. Þetta var alveg ferlega skemmtileg helgi :o) Helgi... híhí.
Það er helst af frétta af litla krúttinu okkar að hún er búin að taka leikskólann í sátt. Þetta virðist ekki vera mikið mál hjá henni núna og hún er farin að leika við krakkana, sem betur fer :o) Hún er líka farin að leika mikið við dönsku krakkana í hverfinu en fyrst til að byrja með vildi hún aðeins leika við þau íslensku. Það virðist virka ótrúlega vel að bulla bara eitthvað út í bláinn, benda hingað og þangað og setja á sig hin ýmsu svipbrigði. Dönsku krakkarnir virðast skilja hana, ótrúlegt :o) og vilja endilega leika við hana. Helst leikur hún við svartan danskan strák sem á alveg eins hjól og hún. Þau eru að verða sannkallaðir perluvinir og hafa verið mikið saman síðustu daga. Verst er að sá danski er heldur heimakær, í síðustu viku þegar Rakel var á leikskólanum og Halli í skólanum, sat sá litli fyrir framan sjónvarpið og horfði á teiknimyndir. Hann hafði hleypt sér inn, kveikt á sjónvarpinu og lá undir teppi ;o)
Í dag fórum við og keyptum barnastól á hjólið hans Halla. Síðan var farið í langan hjólatúr í góða veðrinu og þegar ég spurði Rakel hvernig var í hjólatúrnum var svarið....Það var alveg YYYYYYYYNDISLEGT.

Litla sæta raðhúsið okkar.

2006-08-24T08:59:00.000Z

Garðurinn okkar

Stiginn fíni

Gangurinn uppi

Eldhúsið

Stofan

pínu hluti af stofunni okkar

Gestaherbergið eða lærdómsherbergi

Rakelar Köru herbergi

Stofan okkar part two

Stofan okkar part three

Úpp þvotturinn er víst enn á snúrunni :o)

Hjólagarparnir

2006-08-24T08:48:00.000Z

Halli á nýja fína hjólinu.

Rakel í fína regngallanum og með nýja hjálminn sinn.

Fréttir af Rakel Köru

2006-08-24T08:13:00.000Z

En hvað það er gaman að vita að það er enn einhver umferð inn á þessa síðu þar sem hún er búin að vera lömuð í langan tíma :o)
Ég var að enda við að skutla Rakel Köru í leikskólann og viti menn, hún brosti út í eitt og sagði bara bless sjáumst á eftir, FARVELL. Þessi vika hefur gengið vonum framar og hver dagur verður auðveldari fyrir hana á leikskólanum. Arnie, Anne og Marianne leikskólakennararnir eru líka himinlifandi yfir breytingunum á henni enda er litli fýlupúkinn minn orðinn glaður og ánægður:O)
Rakel Kara hefur eignast alveg fullt af vinum hér í hverfinu. Kvöldin hérna eru vægast sagt mjög fjörug þar sem allir krakkarnir safnast saman úti og leika sér. Það skiptir ekki máli hvort þau eru átta ára eða þriggja ára, það leika allir saman. Hún fær fleiri heimsóknir en foreldrar hennar þar sem það er alltaf verið að spyrja eftir henni að koma út að leika. Rakel tók upp á því í vikunni að byrja að tala dönsku, eða hún heldur að þetta sé danska :o) Þetta er reyndar bara algjört bull en svona talar hún við dönsku krakkana. Sem betur fer eru þetta mjög góðir og þ0limóðir krakkar híhí.
Við fengum markísuna okkar loksins senda heim í gær. Hún verður sett upp í kvöld og ég mun setja inn myndir af fína fína garðinum mínum í kjölfarið. Við munum þó ekki geta notað hana fyrr en í næstu viku því að við ætlum að skella okkur í helgarreisu til Köben. Þar ætlum við að fara í tívolí og dýragarðinn og tjilla heima hjá Helga og Steinunni og spila Texas Holden póker.

Nettengd á ný

2006-08-22T08:22:00.000Z

Hæ öllsömul,
Loksins erum við komin með nettengingu hér í DK. Nú ættum við að geta verið dugleg að blogga og setja inn myndir. Það er helst að frétta af okkur að við erum búin að koma okkur vel fyrir í litla raðhúsinu okkar í Odense. Rakel er með sérherbergi og er rosa ánægð með það. Mamma og pabbi eru nýfarin heim til Íslands eftir að hafa verið hjá okkur í 12 daga. Halli er byrjaður á upprifjunarnámskeiði í stærðfræði og eðlisfræði. Námskeiðið tekur tvær vikur og á því er tekin öll menntaskóla stærð- og eðlisfræðin. Hann er rosa duglegur og hjólar daglega í og úr skólanum. Hjólreiðatúrinn tekur hann um hálftíma aðra leið þannig að hann hjólar klukkutíma á dag. Rakel Kara er byrjuð á leikskóla sem er hér rétt hjá okkur. Hún byrjaði 1. júlí og hefur verið í þrjá tíma í senn til að venja hana við. Leikskólavistin hefur ekki gengið vel hingað til en vonandi fer þetta allt saman að lagast, sjáum til. Eins og er þá er ég heima því að skólinn minn byrjar ekki fyrr en í september.
Fyrst að nettengingin okkar er loksins virk mun ég setja inn myndir bráðlega...Bið að heilsa :o)

Kokkur í klæðum

2006-06-18T15:47:00.000Z

Nú sit ég í eldhúsinu og horfi á hann Halla elda grísahnakka í hunangssinnepi. Ég held að ég þurfi að fara að læra að elda, þetta virðist vera svo auðvelt og gaman þegar hann eldar. Ég hef nú reyndar oft reynt að töfra fram einhverjar kræsingar en það endar alltaf með setningunni ,,Halli hjálp, hvað á ég að gera núna" og hann kemur ogbjargar málunum :O)Þetta er eitt af þeim verkefnum sem ég ætla að mastera út í Danmörku. Meira að segja hún Rakel Kara virðist hafa þessi matargen og hjálpar pabba sínum oft við eldamennskuna. Hér er hún í kokkabúningnum sínum, algert krútt eins og vanalega.

Síðasti vinnudagurinn

2006-06-16T20:11:00.000Z

Síðasti vinnudagurinn minn var í dag.....skakalega var það skrítið að ganga frá öllu og vita að þessi kafli er búinn og annar að taka við. Auðvitað varð er svoldið meir og fór að væla þegar ég var að kveðja allt liðið, snökt. Enda búin að umgangast þetta fólk daglega í fjögur og hálft ár ekki skrítið að
maður sakni þess. Mest mun ég sakna innheimtu kvennanna minna sem hafa gefið mér endalausar ráðleggingar um alla heimsins hluti. Ég er samt ánægð að þessum kafla er lokið,,,satt að segja var mér farið að leiðast. Nú eru aðeins nokkrar vikur í það að þessi litla fjölskylda flytji af landi brott. Það er allt að verða tilbúið í þennan mikla flutning og meira segja bíllinn orðinn hreinn fyrir keyrsluna til Seyðisfjarðar. Miðinn með Norrænu er á sínum stað svo og passarnir okkar. Þetta er bara allt að gerast,,,,,nú er bara að njóta Íslands og sumarsins næstu daga.
Ble, ble

Til hamingju með afmælið litla syss

2006-06-05T17:56:00.000Z

Videokvöld og nammiát

2006-05-26T18:31:00.000Z

Ofsalega var gott að eiga frí í vinnunni í gær. Við fórum upp í sveit í grill til pabba og mömmu upp í Laugarás. Pabbi átti afmæli og bauð okkur systrum í grill í tilefni dagsins. Í sveitinni fórum við síðan í Slakka sem er lítill sætur dýragarður með öllum helstu húsdýrum Íslands. Það var ofsa gott veður og gaman að vera upp í sveit. Síðan keyrði ég aftur heim um kvöldið með allavegana einn rosalega ánægðan farþega, hana dóttur mína sem fílaði sig í tætlur upp í sveit. Þetta varð sem sagt ofsalega notalegur frídagur.
Þar sem það er föstudagur og maðurinn minn er í óvissuferð með fyrirtækinu sínu ákváðum við mæðgurnar að eiga kósí kvöld. Við vorum að koma heim af American Stile og nú tekur við Video kvöld og nammiát.

Frídagur á morgun

2006-05-24T18:18:00.000Z

Alltaf er það jafn yndislegt þegar maður á frí í vinnunni. Ég á nú bara aðeins 15 vinnudaga eftir og þá er ég hætt og komin í frí til 1 sept. Þessi tími er eitthvað rosalega lengi að líða.
Það er helst að frétta að við erum búin að fá tilboð í flutninginn til Odense. Atlantsskip gaf okkur langlægsta tilboðið og við tókum því auðvitað. Við erum einnig búin að kaupa okkur far með Norrænu þann 29. júní. Við pöntuðum okkur lúxusklefa því við erum svo hræðilega fín með okkur hehe. Þetta er sem sagt allt að gerast. Það er rúmlega mánuður í flutninginn stóra...vonandi gengur þetta allt saman vel. Vinafólk okkar er búið að skoða hverfið og húsin sem eru í boði og líst svona ljómandi vel á herlegheitin. Parket á gólfum og ljós viður í eldhúsinu. Ekki slæmt og þrjú heil svefnherbergi.....Þar til seinna ---bæ bæ--farvel

Til hamingju með afmælið kallinn minn

2006-05-13T22:10:00.000Z

Þann 11 maí 1975 fæddist lítill rauðhærður drengur. Hann stækkaði nú fljótt og varð að manni. Þegar hann varð fullvaxta hitti hann unga fallega snót. Drengnum þótti snót þessi mjög aðlaðandi og bað hana um að byrja með sér fyrsta miðvikudag í febrúar 1996. Snótin sagði já og hafa þau verið óaðskiljanleg síðan. Árið 2003 eignuðust þau svo litla rauðhærða telpu. Telpa þessi þótti við fæðingu óeðlilega lík afa sínum en með tímanum breyttist hún og líkist nú helst föður sínum, bæði í útliti og fasi. Rauðhærði drengurinn á afmæli í dag og óska ég honum til hamingju með það, þó svo að ég verði ekki heima í dag eða kveld til að fagna með honum þessum stóra áfanga mun ég bjóða honum í flottheit um helgina. Bíddu bara og sjáðu til hehe.

Margt búið að gerast á stuttum tíma.

2006-05-03T21:52:00.000Z

Það er margt búið að gerast síðan ég bloggaði síðast. Við erum til dæmis komin með húsnæði í Odense. Fengum í gegnum húsaleigufélag glænýtt raðhús á tveim hæðum og garði. Þetta er bara fínasta hús og okkur á örugglega eftir að líða vel þar. Fyrir herlegheitin munum við greiða um 26 kr íslenskar í leigu á mánuði þ.e.a.s með húsaleigubótum. Hverfið heitir Hojby og er fyrir neðan hraðbrautina og um 10 km frá miðbænum. Þetta er lítið og sætt úthverfi.
Annað í fréttum er að Halli gerðist svo frægur að hann horfði með móður sinni og konu á Opruh. Þáttur vikunnar fjallaði um samkynhneigða karlmenn og þótti Halla þessi þáttur alveg hreint rosalega spennandi og fræðandi. Grét hann síðustu senuna eins og vant er þegar hann horfir á Opruh. Á meðan sötraði hann Baylise með klökum og komst í snertingu við kvenlegu hliðina í sjálfum sér.
Ástæðan fyrir litlum sem engum afköstum í blogginu síðustu vikur er sú að ég er alltaf sofandi. Ég hef aldrei í lífinu sofið eins mikið og ég hef gert undanfarnar vikur. Það er ástæða fyrir öllum þessum svefn því það er lítið kríli að vaxa inn í maganum á mér. Þetta litla fóstur hefur tekið alla 0rku frá mér og ég er flökurt allan liðlangan daginn. Þetta ástand er hreint hræðilegt og ég hlakka mikið til að komast yfir þessa þrjá mánuði. Ég er samt aðeins á 10 viku og á því eftir nokkrar leiðinlegar,orkulausar og flökurt vikur eftir. Bööööö. En maður lætur þetta ekki buga sig því að þetta er bara eitt af þvi sem maður þarf að ganga í gegnum ef fjölga á mannkyninu. Bless í bili :o)

Lýsum hér með eftir húsnæði í Odense.

2006-04-19T22:56:00.000Z

Við höfum ekki enn fengið húsnæði í Odense og það styttist óðum í áætlaðan flutningsdag. Um mánaðarmótin júní júlí höfum við ákveðið að flytja af landi brott svo að vonandi verðum við komin með húsnæði fyrir þann tíma. Það eru nokkrir mánuðir síðan við skráðum okkur á húsaleigumiðlanir í Odense en það virðist sem að það séu áralangar biðraðir í bestu húsin. Við höfum verið með íslenskan danmerkurbúa okkur til aðstoðar og hún hefur hringt nokkrum sinnum til að ýta á eftir húsnæði en við virðumst vera í biðröð þar sem engum er hleypt framfyrir.

Páskafríð er á enda

2006-04-17T20:40:00.000Z

Nú eru herlegheitin búin og liðu allt of fljótt að mínu mati. Við lágum í leti alla páskana upp í sumarbústað og hreyfðum okkur ekki nema þegar okkur fannst vera komið of mikið af drasli í kringum okkur. Við átum og átum kræsingar, lásum blöð og bækur, horfðum á DVD og VIDEO sem sagt sannkölluð afslöppun. Það eina sem skyggði á ferðina var að litla krútt var með hita og fékk svo í eyrun eina nóttina þannig að við vildum ekki að hún væri mikið úti að leika sem er algjör synd því að það var fyrirtaks leikvöllur beint fyrir utan sumarbústaðinn okkar. Hann var það nálægt að það var nóg að fylgjast með henni út um gluggann. Í þessí fáu skipti sem að hún fékk að fara út að leika sér dundaði hún sér heillengi sem er ekki dæmigerð hegðun hennar.
Vinnudagur á morgun...böööööö. ÞAð er sem sagt vinna á þriðjudag og miðvikudag og frí á fimmtudag og vinna á föstudag og loksins komin helgi.

flensupestir

2006-04-12T13:31:00.000Z

Ég er komin í páskafrí ligga ligga lái :o) og leiðin liggur upp í sumarbústað. Ég þurfti að fara úr vinnu kl 11 því að litla daman er lasin og gat ekki farið á leikskólann. Hún er reyndar orðin hitalaus þannig að við getum því öll notið frísins. Reyndar er maðurinn minn kominn með einhverja kvefpest en vonandi nær hann henni úr sér bráðlega.

Til hamingju með afmælið mútta mín

2006-04-11T13:33:00.000Z

Litla krúttið, hún dóttir okkar liggur heima með flensu. Hún á svo bágt og lætur okkur reglulega vita af því. Hún var fljót að átta sig á því að þegar maður er veikur má maður borða ofsa mikið kókópöffs og kókómjólk og maður má horfa á fullt fullt fullt af teiknimyndum :o) Ef maður reynir að mótmæla þá er bent á hálsinn með hundaaugum og sagt ..mér er svo illt".
Ég er byrjuð að telja niður dagana þangað til síðasti vinnudagurinn minn gengur í garð. Níu vinnudagar í apríl, allur maí og 10 vinnudagar í júní....þetta er nú ekkert svo hræðilega langt. Það er svo skrítið að þegar maður hefur ákveðið að hætta einhverju þá er enginn metnaður til staðar lengur. Ég bara nenni þessu ekki lengur og ég vil fara að gera annað. Einfalt mál.
Á morgun ætlum við að fara upp í sumarbústað og tjilla (á íslensku)....og það mun verða svo þægilegt. Við ætlum að glápa á sjónvarp, borða góðan mat og fullt af súkkulaði, fara í göngutúra, sund og gufu og leika okkur úti með litlu dömunni. Það mikilvægasta er að slaka á og hlaða batteríin.
PS:Mamma til hamingju með 25 ára afmælið :o) hmmmmm hún er 52 ára.

Fínn dagur

2006-04-04T22:57:00.000Z

Þetta var svo fínn dagur.....vann vel í vinnunni....kom heim og steikti fisk í fyrsta skipti og hann tókst alveg ágætlega ef ég á að segja eins og er.......slappaði síðan af með góða bók og fór svo í tölvuna. Þetta er fyrsta kvöldið í langan tíma þar sem að vð erum ekkert þreytt og getum þess vegna vakað frameftir. Það er samt gott að vita af páskafríinu framundan. Við vinnum út vikuna og hálfa næstu viku, á miðvikudag skellum við okkur svo upp í sumarbústað í langþráð frí....ekki slæmt.

Leti og aftur leti

2006-04-03T20:33:00.000Z

Ég er löt og nenni ekki neinu. Æji hvað það er þægilegt að vera letiblóð og gera ekki neitt. Eftir annasamar vikur er gott að slappa af. mmmmmmmmmmmmmmmm. Heyrumst seinna.

Gott að búa hjá tengdó

2006-04-02T21:58:00.000Z

Mikið er gott að búa hjá tengdó. Alltaf heitur matur á borðum og þegar við vöknuðum í morgun var morgunverðarhlaðborð, ostur, nýbökuð rúnstykki, soðin egg, appelsínusafi, vínarbrauð og ég veit ekki hvað. Það var svo þægilegt að vakna við kaffiylminn...mmmmmmm. Við ákváðum svo að elda kvöldmatinn og gerðum hreyndýakjötspinna og með ölllu tilheyrandi gúmmelaði og svo skellti fólkið sér í heita pottinn. Manni líður svolítið eins og maður sé í sumarfríi. Öll heimilisstörfin deilast á fjóra og þar að leiðandi hefur maður meiri frítíma. Í augnablikinu er þetta fyrirkomulag mjög þægilegt og gott og vonandi helst það áfram. Þegar við vorum að borða hreyndýragúmmulaðið hringdi reyndar nýji íbúðareigandinn til að kvarta. Þetta verður síðasta símtalið þar sem við tökum þeim vel og reynum að hjálpa til...þetta er að verða of mörg símtöl frá þeim. Næstu munun við benda þeim á fasteignasalann ef þau kvarta meir. Litla systir ég sé að msn-ið hjá þér er skráð busy þar sem að þú ert að læra. Krúttið mitt :o) gangi þér vel með lærdóminn.

Búin að skila af okkur íbúðinni...Húrra.

2006-04-01T17:11:00.000Z

Jæja það kom loksins að því. Við erum búin að skila af okkur íbúðinni. Við vorum í marga klukkutíma að þrífa og gera fínt og fengum sérlegan aðstoðarmann til að hjálpa okkur. Aðstoðarmaðurinn sem er sérfræðingur á þrifnaðarsviðinu er móðir mín. Hún stóð sig eins og hetja og skrúbbaði allt m.a allt eldhúsið, hreinsaði ofninn og eldhúsinnréttinguna. Það var mjög góð tilfinning að vera loksins búin að þessu en sælan entist ekki lengi. Nýju eigendurnir hringdu í manninn minn og kvörtuðu yfir þrifunum hjá okkur.Bla bla ba hvað í andskotanum eru þau að pæla. Að kvarta yfir þrifum þar sem að móðir mín þreif akkúrat þennan hluta sem þau kvörtuðu yfir. Allir sem að þekkja móður mína vita að hún er sérfræðingur á þessu sviði og að hún er svo nákvæm í þrifum að ég held nú bara að þetta fólk sé eitthvað bilað og ég er ekki að grínast. Ef að þau kvarta yfir þessu þá eigum við von á miklu fleiri símtölum frá þessu fólki út af einhverju öðru. Jæja bless í bili

ja hér hér

2006-03-29T17:25:00.000Z

Vinnudagurinn búinn í dag sem betur fer. Við tókum syrpu í íbúðinni í gær og við verðum væntalega fram á nótt að klára svo við getum nú flutt á morgun allt dótið yfir í bílskúrinn. Vá hvað þetta var löng setning :o)Ég er búin að taka mér frí á föstudag til að klára þetta allt saman því á laugardag ætla ég að vera búin að þessu öllu saman og vera í fríi með fjölskyldunni minni. Vinnudagurinn minn var algjörlega brjálaður. Ég var í símanum í allan dag að tala við kúnna. Ég á nú samt að vera sem minnst í símanum því að ég á að vera að gera allt aðra hluti.
Ég var samt svo heppin að hitta stúlku sem var að vinna hjá Eimskip og var í búslóðaflutningum. Hún sagði mér allt sem ég þarf að vita um flutninga erlendis í gámum á vegum Eimskipa. Hún nefndi líka hvað þetta gæti kostað.....kræst hvað þetta er allt dýrt en það verður bara að hafa það. Enn er ekkert að frétta af íbúðarmálum í Odense en það hlýtur að fara gerast. Við þurfum bara að bíða þolinmóð og anda rólega.

Súr fnykur

2006-03-28T19:16:00.000Z

Nennti ekki að fara að pakka í gær heldur hékk ég heima og horfði á American Idol. Var farin að sofa áður en úrslitin voru kunn en á meðan sat maðurinn minn yfir skattskýrslu. Í kvöld ætlum við samt að vera dugleg. Við erum búin að fá pössun fyrir stelpuna og þá er um að gera að drífa sig og rumpa þetta af. Ég verð svo fegin þegar þessi kafli er búinn. Á fimmtudag flytjum við draslið svo loksins og á laugardag er skiladagurinn.
Voðalega er ég eitthvað andlaus í dag....veit ekkert hvað ég á að skrifa. Skiptir ekki öllu máli því að á morgun er komin nýr dagur :o). Nýji fjölskyldumeðlimurinn (rauði og gulllitaði subaru impresa) stendur sig vel og er hörku bíll. Einn galli er þó á gjöf Njarðar að það er sterkur fnykur í bílnum, eins og súr mjólk. Það versta er að við finnum ekki upptökin.

mánudagsþreyta

2006-03-27T18:33:00.000Z

Ohhhh. Ég nenni ekki að fara í íbúðina í kvöld til að pakka. Það er nógu erfitt að vinna heilan vinnudag á mánudegi. Ég er syfjuð og þreytt því að ekki fékk ég nóga hvíld um helgina. Nú er um að gera að herða hugann og rífa sig upp. Fá sér kvöldmat, svæfa stelpuna og drífa þetta af. Svo er skattskýrslan einnig eftir

Viðbót

2006-03-26T19:49:00.000Z

Ég gleymdi því mikilvægasta. Við erum komin með bíl.....Húrra og aftur húrra. Hann tengdarfaðir minn keypti bíl. Við erum nú svoldið dekruð. Hann keypti sem sagt sérstaklega bíl fyrir börnin sín og tengdardætur.
FRÁBÆRT.

Flutt með hægri fótinn.

2006-03-26T19:36:00.000Z

Flutningar, flutningar og ekkert nema flutningar. Við vorum í allan gærdag og frá hádegi í dag að pakka niður,henda og sortera. Maður ætti eiginlega að flytja á 4-5 ára fresti því að annars hendir maður aldrei neinu. Ég veit ekki hversu mörgum ruslapokum við erum búin að henda í Sorpu. Þetta er heil helling og ég vissi ekki einu sinni að ég ætti sumt af þessu drasli. Allavegana þá gengur þetta ágætlega en það sem kemur mjög á óvart er hve mikið af dóti við erum búin að sanka að okkur í gegnum tíðina. Laugardagsnóttin var fyrsta nóttin sem við gistum heima hjá tengdó. Við sváfum öll þrjú alveg rosalega vel enda þreytt eftir erfiða viku. Við erum búin að koma okkur ágætlega fyrir hérna en okkur vantar pláss fyrir fötin okkar. Það kemur í vikunni en í millitíðinni verða fötin okkar ofaní tösku og einni kómmóðu sem við komum með að heiman. Það ætti að fara vel um okkur hérna....við erum í mjög stóru herbergi með klósetti og æðislegri sturtu. Út úr herberginu fer maður út á verönd og þar er heitur pottur sem við eigum örugglega eftir að nota mikið. Jæja svo er vinnudagur á morgun og við þurfum að skila íbúðinni á laugardag kl 12. Það er eins gott að við notum vikuna vel :o). Jæja mín bíður nautasteik og meððí....Enn og aftur guð sé lof fyrir manninn minn.